Pyeslər - Azərbaycan Milli Kitabxanası

– Palan!..
– Palan!..
Axsaq qarı (Mələk Pırpızağa). Sıx onu! Qoy, desin, palan nə oldu?
Mələk Pırpızaq. Sıxıram! Bax, belə!..
M a h m u d (qışqıra-qışqıra). Palanı sökdük! Içindən...
Palan Ömər. Yox, palanı sökməyin! Palanı sökməyin!.. Sökməyin!..
Qul Məhəmməd Palan Öməri boğub öldürür.
Q u l M ə h ə m m ə d. Inni dariballahu qatilün!
S ə f i l l ə r (Mahmudu göstərərək):
– Allah yox, bu!..
– Bu!..
– Bu!..
Səfillər Mahmudun üstünə yeriyir.
M a h m u d (qışqırır). Məryəm!.. Məryəm!.. Məryəm!..
S a r ı ş ı n o ğ l a n (əbasının altından qılınc çıxarır). Çəkilin!..
Səfillər dayanır.
Do... doğrayaram! Çə... çəkilin!..
Q u l M ə h ə m m ə d (dəhşət içində). Süleyman paşa!
M u x t a r B ə d h e y b ə t (dəhşət içində). Dəli Süleyman paşa!
(Mələk Pırpızağa) Bu... burax onu!..
Pauza.
Səfillər qorxu içində geri çəkilir.
Mələk Pırpızaq əlini Mahmudun ayaqlarının arasından çəkir.
(Mahmuda) Ge... gedək mə... mənimlə!..
İ ş ı q s ö n ü r.
İYİRMİ İKİNCİ ŞƏKİL
D a n ı ş a n, M a h m u d, S ü l e y m a n paşa,
Ərzurum. Saray. Gecədir.
Mahmud təkdir.
D a n ı ş a n. Ərzurum hakimi Süleyman paşa cavan, sağlam, güclü və güclü olduğu qədər də
qəddar bir adam idi. Xalq arasında ayaması «Dəli» idi, Dəli Süleyman paşa! Bu adam təğyiri-libas
olub gəzməyi, həyatın dibindəki insanların arasında olmağı xoşlayırdı və buna görə də yerə-göyə
sığışmayan Osmanlı imperatorluğunun içinə də, çölünə də ən bələd adamlardan biri idi.
Pauza.
333