Chrestomathie bretonne : (armoricain, gallois, cornique)

— 275 —
Buhez mabden (P. 88).
Goude da stat ha pompadou
Guyscamant ha paramantou
Ez duy en Anquou ez louen,
Pan troy en haf (1), da lazaff mie,
Ma 'z duy da neuz da hout euzic
Ha tristidic da bizhuyquen.
Pan vezo da qiiic maru myc yen,
Ne deux car oar an douar certen.
Me dest, nac estren nep heny,
Na tut da ty na da priet,
Na ve mar dispar ez carset,
En deurffe quet da guelet muy.
Yvez d 'an prêt ma 'z decedy
Guenez oar da chouc ne douguy
Nemet hep muy un coz lyen
Pe 'n heny ez vizy griet
Tiz mat a lum ha dastumet :
Tra en bel ne 'z vezo quet quen.
Goude se en douar oar da huen
E 'z laquaher pan duy an termen ;
Mar cazr na quen oas a quenet,
Eno coff ha queyn ez breiny
Treyt ha penn hac ez dispenny
Lagat ha fry ha goazyet.
Dou pe try glyzen tremenet
Treyt ha penn ez vyzy tennet :
Certes ne ves quet leset muy ;
(1) M. de la Villemarqué lit en haf et tradnit pan troy en haf par : quand
tu seras prêt pour elle. Le sens est : quand il tournera en elle, c'est-à-dire
quand il lui plaira. C'est un idiotisme encore en usage aujourd'hui.