Chrestomathie bretonne : (armoricain, gallois, cornique)

- 291 —
gualle quet respond dezi (1), heuelep en fin, pan oa en em (2)
auiset, ez deuz da lauaret dezy : « grec, lion les da acheuaf hon
sacrificç, ha goude se ny a rento d 'itt (3) respond. » Neuse ez
gourhemenas he cacz d 'an pales, ha gand diligence bras he miret ;
hac en em maruaille ez bras oar an prudencç ha 'n quenet anezy,
rac meurbet ez oa cazre ha plesant da guelet d 'an holl re hac yuez
gracieux.
7. Goud[e] se ez deux César d 'an pales hac ez lauaras dezy :
« Gathell, cleuet eo gueneomp en eloquencç a compsou hac ez omp
ebahisset oar an gouuizeguez ahanot; hoguen ampechet oamp hac
occupet oz ober sacrificç d 'an doueou, ha ne guellsomp quet an oll
da entent. Rac se breman ny a goulenn ouz-it an commencement (-4) :
pe a lingnez oude? » An sanctes a responlas : « Scrifî'et eo na die
den en em (5) meuly nac yuez en em (6) vitupery : en tra se a
custum en tut sot da ober hac en re trauaillet gant vanegloer. Euit
se me a lauaro dit ma lingnez, ne deo quet euit ma em v[a]ntafr,
hoguen ma em humiliaff: me so Gathell merchvnic d' an roue Goste;
hac, onestant ez venn maguet en pourp hac instruet en ardou libéral,
yuit ce oll em eux y dispriset palamour da lesus-Ghrist pehiny a 'm
eux choaset euit priet.
8. « Hac an holl doueou se, père a enorez, na guellont sicour na
te na nep ho pet, am eux an oll dispriset. peguen maleureux eo
an re a gra (7) enor d 'an sceurt (8) doueou se père, euit ho gueluer
en nécessite, ne guellont sicour den nac e miret ouz pirill nac (9)
e sicour en e tribulation. »
9. Neuse an roe a lauaras dezi : « mar deo guyr euell ma 'z
leuerez, an bet holl a fazy hac a so en error, ha te hep muy quen
a lauar hac aheus (10) en guiryonez. Hac euit ce quement guer so a
(1) Original deze.
(2) Orig. en nem,
(3) Orig. dict.
(4) Orig. cnmmencement.
(5) Orig. e nem.
(6) Orig. e nem.
(7) Orig. graff.
(8) Orig. sceuret.
(9) Orig. vao.
(10) Orig. ahen-t.