Programi nacional PËr

Programi nacional për zhvillimin e arsimit në Republikën e Maqedonisë 2005-2015
182
Duke u nisur nga kjo fotografi reale, Programi për zhvillimin e arsimit të
mesëm dhe pas të mesëm në Republikën e Maqedonisë, angazhohet për promovimin
e konceptit për mësim të përjetshëm nëpërmjet këtyre aktiviteteve:
disejnimi i procesit të mësimit, i cili nuk do të përqëndrohet vetëm në miratimin
e diturisë faktografike, i cili shpesh herë vjetërsohet, por edhe në aftësimin
e nxënësve për të ardhur vetë deri te informatat aktuale dhe shfrytëzimin
e tyre;
aplikimi i atmosferës pozitive për internacionalizimin e konceptit të të mësuarit
të përjetshëm te nxënësit dhe te arsimtarët, si parakusht për zhvillim
personal dhe profesional;
institucionalizimi i arsimit për të rriturit, që do të mundësojë avancimin e diturisë
dhe shkathtësive te të rinjtë, të cilët e kanë braktisur arsimin e mesëm,
si dhe rikualifikimi i të papunësuarve (të cilët e kanë humbur vendin e punës
ose gjatë kohë nuk kanë mundur të gjejnë punësim në drejtimin primar);
organizimi i trajnimeve të kuadrit arsimor për shkak të përsosjes së tyre të vazhdueshme,
në pajtim me trendet bashkëkohore dhe standardet arsimore;
bashkëpunimi me institucionet nga sektori joqeveritar, të cilat mund të marrin
një pjesë nga trajnimet për të rriturit dhe akreditimi i tyre.
4.1.3. Rritja e mundësive për participim
a) Arsimi demokratik dhe i qëndrueshëm
Një nga dimensionet e rëndësishme përmbajtësore të arsimit të mesëm dhe
pas të mesëm është zhvillimi i vetëdijes demokratike dhe sjellja. Prandaj, në arsimin
e mesëm dhe pas të mesëm duhet të krijohen kushte adekuate për praktikimin
e demokracisë. Me fjalë të tjera, secili sistem demokratik politik duhet
të kërkojë aktivitete të shkollës, nëpërmjet të cilave do t’u ndihmojë nxënësve
që të fitojnë kualifikimet themelore demokratike për përjetimin dhe avancimin e
demokracisë në jetën e tyre të përditshme shkollore. Në këtë mënyrë, nxënësit
nuk do ta shohin shkollën si institucion i cili është jashtë nevojave të tyre, por si
institucion i tyre personal, ku do të mund ta shprehin personalitetin e tyre.
Demokracia meriton të jetë rezultat-pasojë e jetës së përgjithshme shkollore,
nga arsimi i padukshëm ose nga të ashtuquajturit “programe të fshehta
arsimore”, si dhe pjesëmarrja e nxënësve në avancimin, respektivisht në vendosjen
për arsimin.
Arsimi demokratik dhe i qëndrueshëm mund të realizohet në arsimin e
mesëm dhe pas të mesëm nëpërmjet:
qasjes deri te arsimi i mesëm dhe pas i mesëm, që jep mundësi të barabarta
për të gjitha kategoritë e të rinjve dhe të rriturve ta fitojnë arsimin e dëshiruar
të përgjithshëm dhe profesional në etapa të ndryshme të jetës së tyre;