Programi nacional PËr

Programi nacional për zhvillimin e arsimit në Republikën e Maqedonisë 2005-2015
188
depolitizimi i formave ekzistuese të organizimit të të rinjve dhe orientimi i
tyre drejt vlerave në pajtim me moshën dhe karakterin e grupit;
stimulimi i punës vullnetare në mënyrë që nuk do të kuptohet si keqpërdorim,
por si mekanizëm për kontributin dhe përmirësimin e gjendjeve në
bashkësinë më të gjerë;
inicimi i projekteve adekuate në të cilat të rinjtë në sistemin arsimor, si dhe
rinia e papunësuar, do të jenë partnerë të organizatave joqeveritare, e jo
objekt për vëzhgim;
stimulimi i participimit të nxënësve të shkollave të mesme në gjithë procesin
arsimor, gjetja e formave adekuate për pjesëmarrjen e tyre aktive në miratimin
e vendimeve të rëndësishme për shkollimin e tyre, pjesëmarrjen në
vlerësimin e përmbajtjeve mësimore dhe kuadrit mësimor duhet të bëhen
pjesë e zgjidhjeve të drejta të ardhshme;
pasurimi i të rinjve dhe të rriturve me dituri dhe aftësi për avancimin dhe
strukuimin e jetës së tyre;
bashkëpunimi mes sektorit publik dhe organizatave joqeveritare dhe vullnetare,
si dhe rritja e numrit të të rinjve të përfshirë me punën aktive vullnetare
me sektorin formal dhe joformal në të ardhmen;
gjetja e procedurave adekuate për zbulimin e ekskluzionit, e cila paraqitet
gjatë kalimit nga arsimi më i ulët në më të lartë dhe gjatë kalimit nga arsimi
në punë, si dhe procedura për pengimin e saj;
trajnimi i kuadrit mësimor për pengimin e ekskluzionit;
marrja e masave për rritjen e mundësive për të gjithë grupet e rritura, pa
dallim të gjinisë, pozitës sociale, gjendjes shëndetësore dhe përkatësisë
etnike, për inkuadrimin në kuadër të aktiviteteve arsimore, kulturore dhe
sportive.
4.1.4. Avancimi i bashkëpunimit ndërkombëtar në arsimin e mesëm dhe
pas të mesëm
a) Lidhshmëria e arsimit me tregun e punës
Nga gjendja e përgjithshme mund të sillet përfundim se arsimimi i kuadrove
dhe zhvillimi ekonomik janë në korelacion të drejtëpërdrejtë. Prandaj po aktualizohen
qëllimet e procesit arsimor, të cilat janë në korelacion me nevojat që i imponon
jeta e përditshme, puna dhe tregu i punës. Nënsistemi i arsimit të mesëm
dhe të mesëm për të rritur në Republikën e Maqedonisë, duhet të zhvillohet në
pajtim me nevojat dhe intereset e zhvillimit ekonomik. Fazat e zhvillimit dhe marrëdhëniet
popullatë-ekonomi duhet të ndiqen nga ana e arsimit të mesëm dhe të
mesëm për të rritur, i cili duhet të tregojë fleksibilitet të madh në aftësimin e vet
ndaj nevojave për zhvillim, të cilat njëkohësisht i nevojiten edhe fuqisë së punës,