Programi nacional PËr

Programi nacional për zhvillimin e arsimit në republikën e Maqedonisë 2005 - 2015
368
8. Aktivitetet pas vlerësimit
Pas miratimit të raportit të vlerësimit, fillon procesi i realizimit të aktiviteteve
të cilat janë propozuar për ruajtjen e cilësisë së arritur apo për përmirësimin e
saj. Më saktë, në bazë të konkluzave në raport, institucionet edukativo - arsimor
përpilojnë plan zhvillimor për periudhën për të cilën mendojnë se mund ta realizojnë,
para se gjithash për marrjen e aktiviteteve të nevojshme lidhur me eliminimin
e dobësive të konstatuara. Ato janë aktivitete konkrete të të gjithave apo të
subjekteve të caktuara në institucionet edukativo - arsimore, të planifikuara për
periudhë të caktuar, pas së cilës pason rivlerësimi.
9. Ciklimi i procedurave - veprimeve
Njëra prej karakteristikave të këtij sistemi të sigurimit dhe kontrollit të cilësisë
është ciklimi - pandërpreshmëria si dhe lidhja e përbashkët (varshmëria) e
etapave të caktuara që e përbëjnë ciklin. Ato janë këto aktivitete të radhitura si
në vijim:
Fillohet me analizë të gjendjes së përhershme të cilësisë, në bazë të të dhënave
të grumbulluara, përmes vetëbesimit dhe vlerësimit të jashtëm si dhe
provimeve publike dhe vlerësimeve.
Më pas, pason planifikimi i punës së ardhshme (qëllimeve në bazë të njohurive
prej analizës së gjendjes).
Etapa e tretë është realizimi i aktiviteteve të planifikuara.
Etapa e katërt është përcaktimi i shkallës së arritshmërisë së qëllimeve të
planifikuara - vlerësimit etj.
Kjo do të thotë se sigurimi dhe kontrolli i cilësisë, në bazë të kësaj qasjeje,
zhvillohet në mënyrë të përhershme, në cikle të përsëritshme të aktiviteteve të
përmendura. Kuptohet kjo mund të bëhet në të gjitha nivelet për të gjitha lëmitë
dhe në secilën kohë të vitit shkollorë. Sipas kësaj,është e qartë se proceset e
përcaktimit të standardeve dhe korigjimit të tyre, si dhe proceset e ndjekjes,
vlerësimit, planifikimit dhe realizimit paraqesin spirale të pandërprerë e cila
gjithnjë shpie kah cilësia më e lartë.