Programi nacional PËr

Dedikimi i njohurive prej vlerësimeve dhe provimeve eksterne
Njohuritë e fituara do të kenë qasje, si dhe do të jenë të dobishme, për
shfrytëzues të ndryshëm. Institucionet të cilat në mënyrë të drejtpërderejtë apo
indirekte janë kreatorë të politikës arsimore (MASH, Byroja për zhvillimin e arsimit
dhe universitetet), njohuritë prej vlerësimeve eksterne dhe provimeve do të
mund t’i shfrytëzojnë për vlerësimin e gjendjeve në sistem dhe për planifikimin
e zhvillimit të ardhshëm. Rezultatet e provimeve eksterne do të shërbejnë si mekanizma
selektiv për hyrjen në arsimin e lartë dhe do të sigurojnë shpërndarje
adekuate të vendeve të lira nëpër fakultete.
Institucionet edukativo - arsimore që do të thotë: drejtorët, punëtorët profesional
dhe arsimtarët do të mund të fitojnë njohuri për të arriturat në nivel
shtetëror, për praktika të cilat janë të lidhura me arritje më të larta të nxënësve,
të cilat do tu ndihmojnë që ta vlerësojnë dhe përkryejnë punën e tyre. Analiza e
rezultateve prej vlerësimeve eksterne dhe provimeve sipas metodologjisë së përgatitur
më parë, duhet të jetë pjesë përbërëse e procesit të vetëvlerësimit nëpër
shkolla si dhe një prej indikatorëve themelor në bazë të të cilave do të përgatiten
planet zhvillimore shkollore. Definimi më i qartë i standardeve për arritje dhe
njohuritë për arritjen e tyre, do t’u ndihmojnë shkollave që standardet e tyre t’i
barazojnë me ato shtetërore.
Treguesit më të rëndësishëm duhet të publikohen në atë mënyrë që të jenë
më të kapshme për një numër më të madh të të interesuarve (prindërit, partnerët
social) të cilët nuk janë në mënyrë profesionale të lidhur me arsimin. Ata do të
fitojnë njohuri relevante për të arriturat e nxënësve në nivel shtetëror, ndërsa prej
provimeve eksterne edhe për të arriturat e çdo shkolle në veçanti. Këto informata
duhet tu shërbejnë për krijimin e vlerësimeve të kualifikuara për sistemin tonë
arsimor dhe t’u shërbejnë që të ndikojnë dhe kontribuojnë në krijimin e politikës
arsimore.
C. Vlerësimi i jashtëm
Ky është vlerësim i cili kryhet si kontrollë i rregullt në periudha të caktuara
të përsëritshme, si dhe me kërkesë të institucioneve arsimore apo në bazë të
vlerësimeve apo kërkesës së organeve kompetente. Vlerësimin e jashtëm të cilësisë
së arsimit nëpër institucionet edukativo - arsimore e bën inspetoriati arsimor
shtetëror. Inspektoriati është institucion qëndror arsimor i detyruar për kontrollë
të vazhdueshëm dhe sistematik të cilësisë në sistemin arsimor.
Inspektoriati arsimor shtetëror, përmes inspekorëve, do të bëjë mbikëqyrje/
kontrollë për të shqyrtuar arritjen e standardeve arsimore, sigurimin e cilësisë
në arsim përmes evaluimit të punës së institucioneve edukativo arsimore edhe
ate në arsimin parashkollor, fillor, të mesëm, arsimin pas të mesëm dhe njëko-
Programi për sigurimin
dhe kontrollin e cilësisë
në arsim
365
IV