Programi nacional PËr

mjaftueshme gjithmonë. Sipas kësaj, vlerësimi i jashtëm dhe vetëvlerësimi janë
komplementar e jo në kundërshtim mes veti. Kur praktikohen të dyja procedurat,
arrihet deri te vlerësimi më i tërësishëm dhe më adekuat i punës së institucioneve
edukativo - arsimore, me ç’rast forcohet edhe vetëbesimi tek të punësuarit në
to. Për çdo rast, është e njohur se vlerësimi i jashtëm siguron kredibilitet më të
mirë të institucionit arsimor para opinionit më të gjërë.
Me rëndësi është që të kihet parasysh edhe fakti se elemente të vetëvlerësimit
,ka edhe në vlerësimin kolegial dhe atë të jashtëm, sepse edhe në njërën dhe
tjetrën ai, puna e të cilit vlerësohet, ka mundësi t’i nxjerr në pah, të diskutojë,
bisedojë për vlerësimin e kolegut apo të vlerësuesit të jashtëm dhe të njëjtën ta
pranojë apo ta refuzojë ose të përcaktojnë vlerësim të përbashkët.
7. Raporte nga vlerësimi, notimi dhe provimet eksterne
Çdo vlerësim (vetëvlerësim, vlerësim kolegial, vlerësim i jashtëm si dhe
vlerësim ekstern dhe provimet) përfundon me përpilimin e raportit për njohuritë
deri te të cilat është arritur. Secili raport, në parim, ka tre pjesë kryesore.
Në pjesën e parë - pjesën kryesore, përshkruhet procedura se si është kryer
vlerësimi, se kush ka marrë pjesë në të si dhe në përgatitjen e raportit, sa mirë
apo me çfarë vështërsish është kryer vlerësimi etj.
Në pjesën e dytë - përshkruhen njohuritë deri te të cilat është arritur gjatë
vlerësimit. Ajo bëhet ashtu që së pari jepet përshkrim i gjendjeve pa kurrfar komenti
apo vlerësimi. Kjo është pjesa përshkruese e raportit. Më pas, pason pjesa
analitike në të cilën shpjegohen, interpretohen informatat e treguara për gjendjet
dhe jepen vlerësime për të njejtat. Edhe në të dyja pjesët, në mënyrë adekuate
përshkruhen anët pozitive dhe negative në të gjitha lëmitë e vlerësuara.
Në pjesën e tretë - jepen pikëpamjet përfundimtare për anët e dobëta dhe
ato positive dhe propozohen zgjidhje të mundshme për atë se si të ruhen anët
pozitive dhe të tejkalohen ato negative. Kjo është bazë për përpunimin e planit të
aktiviteteve të cilat do të pasojnë pas vlerësimeve.
Analiza e shfrytëzimit të rezultateve nga vlerësimi i brendshëm, ai i jashtëm
dhe provimeve, nuk është vetëm i rëndësishëm por edhe çështje shumë e
ndjeshme. Rezultatet e vlerësimit paraqesin potencial të madh për sfida të reja
kah ndryshimet e praktikës shkollore, që do të shpiejnë edhe kah cilësia më e
mirë.
Secili raport, pas përpilimit, i jepet në shqyrtim subjekteve për punës së të
cilëve i përket raporti apo të cilët në një mënyrë ishin të kyçur në vlerësim, që
t’i shprehin mendimet e tyre për përmbajtjen e tij. Më pas, pasojnë korigjimet e
mundshme dhe më në fund ai miratohet nga ana e organit kompetent.
Programi për sigurimin
dhe kontrollin e cilësisë
në arsim
367
IV