Programi nacional PËr

Programi nacional për zhvillimin e arsimit në republikën e Maqedonisë 2005 - 2015
370
1O. Nivelet e aplikimit të sistemit për vlerësim
Para se gjithash, shumë e rëndësishme është që të dihet se aktivitetet e
sistemit për sigurim dhe kontrollë të cilësisë, në bazë të standardeve për cilësi,
mund të realizohen në bazë të këtyre niveleve.:
Niveli i sistemit edukativo - arsimor.
Niveli i nënsistemit (arsimimi parashkollor, fillor, i mesëm dhe i lartë).
Niveli i institucioneve të caktuara edukativo - arsimore (çerdhet/kopshtet,
shkollat dhe fakultetet)
Niveli i klasës - grupi apo cikli arsimor në kuadër të nënsistemeve (p.sh.
mësim klasor dhe lëndë mësimore etj.).
Niveli i elementit të caktuar të procesit edukativo - arsimor (p.sh. lëmia,
vlerësimi, mësimi praktik, mësimi i gjuhëvë të huaja etj.).
Niveli individual (niveli i arsimtarit, programi arsimor).
Përveç kësaj, është me rëndësi se në çdo nivel kryhet dhe përsëritet cikli komplet
i këtyre aktiviteteve: analiza e gjendjes ekzistuese (përcjellja dhe vlerësimi)
planifikimi dhe realizimi (realizimi i asaj që është planifikuar) dhe përsëri ndjekja
dhe vlerësimi, planifikimi dhe realizimi etj.
Se në cilin nivel do të kryhet vlerësimi do të varet, si nga qëllimet të cilat
dëshirohet të arrihen, gjithashtu edhe nga sigurimi i kushteve objektive dhe subjektive
për realizimin e suksesshëm të tij.
11. Llojet tjera të vlerësimit
Përkohësisht dhe sipas nevojës, kryhen edhe llojet e tjera të vlerësimit
(kontrollit) të cilësisë së arsimit. Këto mund të jenë hulumtime dhe vlerësime
të efektivitetit të sistemit arsimor në tërësi apo të nënsistemeve të caktuara të
tij (të atij parashkollor, fillor, të mesëm dhe të lartë) apo të pjesëve të tij (p.sh.
mësim klasor, mësim lëndor, mësim gjimnazor etj.), apo të aspekteve të veçanta
të funksionimit të sistemit apo të komponentave të tij (koncepti i kurikulumit dhe
mësimit, modelit të udhëheqjes dhe drejtimit, nënsistemi i finansimit etj.).
Këtë lloj të hulumtimit (vlerësimit) e kryejnë institucionet kompetente
shtetërore apo në bashkëpunim me institucionet shkencore të vendit, me asociacione
dhe institucione ndërkombëtare, në pajtueshmëri paraprake apo me
kërkesë të Ministrisë së Arsimit dhe Shkencës.