re - Ateneo de Madrid

— 551 —
que mos lo apedrean
cuantis venga jiciendo pinturas
ú jablando de aquella manera;
y verás cómo el mozu no tieni
ni agallas, ni juerza,
pa, al primero que quiera moflarsi,
rompeli la jeta.
Ya no dici padri,
ni madri, ni agüela:
«mi papá, mi mamá, mi abuelita...»
asin chalrotea,
como si el mocosu juesi un señoruco
de los de nacencia.
Ni mienta del pueblo, ni jaci otro oficio
que dil á una escuela
y palral de bobas que allí aprendí,
que pa ná le sirvin cuantis que se venga.
Pa sabel sus saberis le ije:
«Sácame la cuenta
del aceiti que hogaño mos toca
del lagal po la parti que es nuestra.
Se maquilan sesenta cuartillos
p'acá parti entera,
y nosotrus tenemus, ya sabis,
una media tercia
que tu madri hereó de una quinta
que tenía tu agüela Teresa.»
¡Ya ves tú que se jaci en un verbo!
Sesenta la entera,
doci pa la quinta,
cuatro pa la tercia,
quita dos pa una media, y resultan
dos pa la otra media.
Pus el mozu empringó tres papolis
de rayas y letras;
y pa esenrearsi
de aquella maeja,
ijo que el aceiti que á mí me tocaba
era pi menus erre, ¿te enteras?
¡Pus pues dil jiciendu
las sopas con ella!
;,Y esos son sus saberis?
¡Esas son sus fachendas!
No le quisi mental del guarrapo,