gjuha 4.indd - Albas

Libër mësuesi për tekstin “Gjuha shqipe 4”
2. Realizimi i kuptimit: Punë e drejtuar.
Hapet teksti në faqe 149. U kërkohet nxënësve të shikojnë fotot e tekstit. Duke përshkruar pranverën, të
plotësojnë edhe thesin e fjalëve:
Ngjyrat e pranverës: e kuqe, e verdhë, e gjelbër, e bardhë, rozë, manushaqe.
Aromat e pranverës: e ëmbël, delikate, dehëse, e këndshme, e fortë, tërheqëse, e lehtë.
Tingujt e pranverës: ciu-ciu, quk-quk, kuak-kuak, zërat e gëzuar të njerëzve, buçima e
traktorëve, zhurma e ujit që gurgullon.
Ndjesitë e tua: hare, gjallëri, kënaqësi, çiltërsi.
3. Reflektimi: Shkrim i lirë.
- Duke u mbështetur dhe të thesi i fjalëve që plotësuat, përshkruani stinën e pranverës.
Natyra fillon e lulëzon. Pranvera vjen me lule shumëngjyrëshe, zogjtë që
cicërojnë, bari që lulëzon. Në pranverë dielli të ngroh me rrezet e tij. Njerëzit janë
më të gëzuar. Kafshët zgjohen nga gjumi i thellë i dimrit. Kjo stinë magjiplotë
hedh vellon e saj shumëngjyrëshe kudo në natyrë...
Lexohet përshkrimet e nxënësve duke bërë edhe vlerësimet përkatëse.
Detyrë shtëpie: Shkruani mbresat e tua për pranverën. Vizato një lule ku të shkruash këto fjali.
Rubrika:
Tema:
Njohuri gjuhësore
Kundrinori. Kundrinori i drejtë
Objektivat: Nxënësi në fund të orës së mësimit të jetë i aftë:
• Të dallojë kundrinorin e drejtë në fjalitë e dhëna.
• Të përdorë saktë pyetjet për gjetjen e kundrinorit të drejtë (Kë? Cilin? Cilën? Cilat?)
• Të zbulojë se kundrinori i drejtë është i domosdoshëm në fjali.
Mjetet:
Teksti, tabela, shkumësa me ngjyra, fletore klase, stilolaps.
Fjalë kyç:
Kundrinor i drejtë, Kë?, Cilin?, Cilët?, Çfarë?.
Aftësitë:
Të vrojtuarit, të kuptuarit, të dalluarit, të shkruarit.
Metoda dhe teknika: Mendo – krijo dyshe – diskuto, punë e drejtuar, punë e pavarur
– zbatim i njohurive të marra.
Zhvillimi i mësimit
1. Evokimi: Mendo – krijo dyshe – diskuto.
Mësuesi/ja shkruan në tabelë fjalinë:
Fëmijët respektojnë prindërit, mësuesen dhe shokët e tyre.
U drejtohet nxënësve pyetja:
- Cilat janë pjesët plotësuese të fjalisë?
Nxënësit mendojnë për pak çaste.
Krahasojnë përgjigjet me partnerët.
Zgjedhin idetë që do t’i thonë para klase.
- prindërit (Kë?)
- Grupet plotësuese: - mësuesen (Kë?)
- shokët e tyre (Kë?)
132