gjuha 4.indd - Albas

Libër mësuesi për tekstin “Dituri natyre 4”
Nxënësi A, shërben për të përcjellë energjinë elektrike.
Nxënësi B, linjat ajrore.
Nxënësi A, mban ujin në liqenin artifi cial.
Nxënësi B, diga.
Nxënësi A, ndodhet midis gjeneratorit dhe kanalizimeve të detyruara.
Nxënësi B, turbina (çdo përgjigje e nxënësit B do të tregohet në fi gurë).
Reflektimi:
Plotësohet diagrami në tekst për prodhimin e energjisë.
Fuqia e ujit që bie nga lartësia bën të rrotullohet turbina.
Gjeneratori prodhon energji elektrike.
Turbina vë në lëvizje gjeneratorin.
Elektriciteti dërgohet te përdoruesi me linjat elektrike.
Nëse ka kohë mund të bëhet një pesëvargësh për hidrocentralin.
Nxënësit vlerësohen me notë.
Detyrë shtëpie: Jepet Fletorja e punës.
Kjo temë këshillohet të bëhet në dy orë. Orën e dytë, nxënësit mund të përgatitin një maket
të hidrocentralit, duke përdorur materiale të riciklueshme.
Mësimi 3.5
Tema: Energjia diellore
Objektivat: Në fund të orës së mësimit nxënësi duhet të jetë i aftë:
1. Të përshkruajë mënyrën e përftimit të energjisë elektrike nga energjia diellore, nëpërmjet
centralit diellor.
2. Të krahasojë hidrocentralin me centralin diellor.
3. Të vlerësojë përdorimin e energjisë diellore nga njeriu.
Fjalë kyç: energji diellore, panel fotovoltaik, kolektor diellor, central diellor, reflektues, avull.
Mjetet: teksti i nxënësit, fletore pune, materiale nga interneti apo burime të tjera për energjinë
diellore, skeda letre.
Fazat e strukturës
Evokimi
Realizimi i kuptimit
Reflektimi
Metodat mësimore
rendit-grupo-emërto
pyetje autorit
diagram i Venit
Veprimtaritë e nxënësve
zhvillim fjalori
të lexuarit ndërveprues
paraqitja grafi ke e informacionit
Zhvillimi i mësimit
Evokimi:
Jepet në tabelë fjala DIELL. Nxënësit do të shkruajnë sa më shumë fjalë që kanë lidhje me
të. Pasi kanë mbaruar, mësuesi shkruan fjalët të renditura në tabelë. Nxënësit duhet t’i grupojnë
dhe t’i emërtojnë sipas karakteristikave të përbashkëta, duke i shkruar në skeda të veçanta.
Më poshtë jepet një shembull: gjigant, i rrumbullakët, i zjarrtë, shkëlqen, është burim
drite, burim nxehtësie; prej tij varen: stinët, ditë-nata, gjallesat dukuritë atmosferike etj. Le t`i
skematizojmë këto që thamë.
390