gjuha 4.indd - Albas

Libër mësuesi për tekstin “Dituri natyre 4”
Mësimi 3.17
Tema: Drita dhe trupat
Objektivat: Në fund të orës së mësimit nxënësi duhet të jetë i aftë:
1. Të dallojë trupat që ndriçojnë nga ata të ndriçuar.
2. Të demonstrojë transmetimin e dritës nga objekte me përbërje të ndryshme.
3. Të klasifi kojë objektet në të tejdukshëm, të përshkueshëm dhe të papërshkueshëm.
4. Të hetojë formimin e hijes dhe mënyrën e ndryshimit të saj.
Fjalë kyç: hije, trupa të ndriçuar, trupa që ndriçojnë, trupa të tejdukshëm, të përshkueshëm
dhe të papërshkueshëm.
Mjetet: teksti i nxënësit, fl etore diturie, burim drite (qiri, elektrik), sende prej materialesh të
ndryshme, letër e dyllosur ose kalk, xham akulli.
Fazat e strukturës
Evokimi
Realizimi i kuptimit
Reflektimi
Metodat mësimore
Lojë
shpjegim, eksperimente
tabela shpjeguese
Veprimtaritë e nxënësve
nxitje diskutimi
të nxënit bashkëpunues
nxitja për të shkruar
Zhvillimi i mësimit
Evokimi:
Nxënësit luajnë duke krijuar hije në mur. Mund të bëhet një lojë e vogël teatrale (nëse janë
porositur më parë) ose të imitohen kafshë të ndryshme.
A e dini fëmijë pse krijohen hijet?
A është i nevojshëm burimi i dritës? Sot, do të mësojmë se cili është shkaku i vërtetë i
formimit të hijeve.
Realizimi i kuptimit:
Hapet libri dhe lexohet problemi. Mësuesi paraqet në mënyrë të strukturuar njohuritë e
reja:
Në natyrë ka trupa të ndritshëm, ata që lëshojnë dritën, si: Dielli, yjet dhe trupat e ndriçuar.
Ata që ndriçojnë kur marrin dritë nga të tjerët, Hëna. Trupat që ndriçohen, sillen në mënyra të
ndryshme, kur u bie drita. Në bazë të kësaj vetie, trupat do t’i klasifi kojmë në: të tejdukshëm,
të përshkueshëm dhe të papërshkueshëm.
Lexohen paragrafët për tri ndarjet e trupave dhe plotësohet në tabelën e zezë.
Trupa të tejdukshëm
Lejojnë dritën plotësisht të kalojë.
Shihet gjithçka pas tyre.
Trupa të përshkueshëm
Lejojnë dritën pjesërisht të kalojë.
Nuk shihen qartë sendet pas tyre.
Trupa të papërshkueshëm
Pengojnë plotësisht kalimin e dritës.
Nuk shihet asgjë pas tyre.
Nxënësit kryejnë prova me dritën dhe objektet prej materialesh të ndryshme. Ata duhet të
zbulojnë lidhjen midis tyre, të bëjnë klasifi kimin e objekteve sipas tabelës së mësipërme. Kjo
veprimtari këshillohet të kryhet në grup, në mënyrë që nxënësit të diskutojnë mendimet me
njëri-tjetrin.
Formimi i hijeve.
Nxënësit duhet të hetojnë për formimin e hijes dhe ndryshimin e saj.
Provohen trupat me radhë për të parë nëse formojnë hije. Ata trupa, që formojnë hije, afrohen
dhe largohen nga burimi i dritës për të parë ndryshimin e madhësisë së hijes. Pasi nxënësit
mbarojnë, ata ndihmohen nga mësuesi që të nxjerrin konkluzionet.
406