gjuha 4.indd - Albas

Libër mësuesi për tekstin “Edukim Muzikor 4”
· Do - Mi- Sol, janë tingujt kryesore (të fortë, të qëndrueshëm) qeshin.
· Re e Si janë të dobët (të pa qëndrueshëm) qajnë.
· Fa e La janë ndihmës (mbështetës) mendojnë.
E veçanta e kësaj pjese të librit është shoqërimi ritmik i këngëzave me përplasje e kërcitje.
Përcaktimi i këtyre efekteve ritmike në fort .
Gjysmë fort ,..... dhe lehtë ,............. jo vetëm i paraprin terminologjisë muzikore të ngjyrave, por
bën që nxënësit të përdorin trupin e tyre si instrument shoqërues.
Në pjesën e tretë – Tinguj në pentagram – hapat e parë të hedhura në shkallën e tingujve dhe tastierën e
pianos mbështeten fort në pentagram, me përvetësimin dhe ushtrimin e shkrimit muzikor. Nxënësi zhvillon
vetëdijen muzikore duke shkruar melodiza (loja 1), i orientuar nga numri i lartësisë së tingullit dhe numri i
kohëzgjatjes së tij.
Gërshetimi i orientimit melodik dhe ritmik me krijimin shoqërues të çdo nxënësi (shkruaj sipas dëshirës ritmin,
bën që fëmijët të jenë objekt dhe subjekt i çdo detyre.
Edhe në këtë pjesë detyrat ritmike (loja 2) janë sa tipike, aq edhe të larmishme.
Me shumë interes janë këngëzat për kafshët. Ato përputhen plotësisht me bagazhin muzikor të deriatyshëm
dhe pasurojnë repertorin koncertor të klasës.
Përgjithësisht mësimet duhet të realizohen bashkërisht brenda orës së mësimit. Por, me qenë se mësimet
gjashtëmbëdhjetë deri tridhjetë e katër realizohen në dy orë, në orën e parë, është mirë, të zhvillohen temat
dhe lojërat. Teksti i këngëzës të përgatitet në shtëpi dhe, në orën e dytë, nxënësit duhet të mësojnë, luajnë dhe
këndojnë, sa më bukur këngëzat për kafshët.
Për t’u realizuar me sa efektivitet lënda e librit, duhet të përdoret bashkë me të edhe fl etorja shoqëruese,
pasi në rubrikat “Eja në fl etore”, nuk ka përsëritje rutinë të librit. Aty nxënësi krijon lidhje më të ndjeshme me
personazhet muzikore dhe bëhet drejtues ndryshe i tyre. Gjithashtu në fletore, zhvillohen edhe orët e lira (Luajmë
ndryshe), mësimi 7, 15, 22, 27, 32, 35.
Në këtë orë nxënësi zhvillon aftësitë artistike duke ndërthurur elementet muzikore me ato vizatimore. Mendoj
se realizimi sa më i plotë i këtij libri varet nga mosnënvleftësimi i aftësisë suaj muzikore dhe në dëshirën për
t’u njehsuar me muzikën dhe nxënësit tuaj.
444