gjuha 4.indd - Albas

Mësuesi/ja kërkon që nxënësit të dallojnë numrin e paragrafëve të tregimit.
Lexohet tregimi sipas paragrafëve nga disa nxënës.
Tregohet përmbajtja e tregimit nga dy nxënës.
Punim i rubrikës Plotëso. - Ç’mendon ti, si janë ndier personazhet e tregimit?
Nxënësit duhet të plotësojnë fjalitë.
Henriketa është ndier e kënaqur.
Shoqja e saj është ndier në faj, sepse nuk donte t’i jepte vajzës së varfër pjesë nga pasta e saj.
Vajza e vogël: E lumtur që provoi pastën, sepse nuk kishte para ta blinte.
Mësuesi/ja pranon mënyrën e të analizuarit të ndjesive të personazheve prej nxënësve.
Nxënësit duhet të dallojnë që pjesa tregohet në vetën e parë.
3. Reflektimi: Mendo-përmblidh-argumento.
Mësuesi/ja iu kërkon nxënësve të zbulojnë mesazhin e tregimit.
Nxënësit punojnë, lexojnë punën e tyre dhe vlerësojnë mesazhin më kuptimplotë.
Njeriu ndihet i lumtur kur ndihmon të tjerët, që janë në nevojë.
Henriketa u kënaq njëlloj sikur ta kishte ngrënë vetë pastën.
Libër mësuesi për tekstin “Gjuha shqipe 4”
Detyrë shtëpie. Shkruaj për një rast kur je ndier i lumtur, sepse ke ndihmuar dikë.
Rubrika:
Tema:
Njohuri gjuhësore
Fjalët me kuptim të figurshëm
Objektivat: Në fund të orës së mësimit nxënësi të jetë i aftë:
• Të dallojë kuptimin e parë dhe kuptimin e fi gurshëm në fjalët e dhëna.
• Të ndërtojë fjali ku fjalët të përdoren në kuptimin e parë dhe të fi gurshëm.
Mjetet:
Fjalë kyç:
Metodologjia:
Teksti i nxënësit, Fletore pune, grafi ku i kuptimit të fjalës.
Fjalë, kuptim i parë, kuptim i fi gurshëm.
Vëzhgo-diskuto, vëzhgo-zbulo, punë e pavarur.
Zhvillimi i mësimit
1. Evokimi: Vëzhgo-diskuto.
Mësuesi/ja paraqet në tabelë dy fjali:
Enisës i dhembte gryka.
Gryka e shishes ishte shumë e vogël.
- Cila fjalë është e përbashkët në këto fjali? (Gryka)
- Çfarë ndryshon në këto fjali? (Kuptimi)
Pra, fjalët kanë ndërtim të njëjtë, por kanë kuptim të ndryshëm. Në rastin e parë, fjala, tregon pjesën e trupit
të njeriut; ndërsa në rastin e dytë, tregon pjesën e një objekti. Në fjalinë e parë, themi se fjala grykë, është në
kuptimin e saj të parë; në rastin e dytë, kjo fjalë ka kuptim të fi gurshëm.
Nxënësit nxiten të sjellin fjalë, që përdoren në kuptime të ndryshme. Këto fjalë mësuesi/ja i shkruan në
tabelë.
2. Realizimi i kuptimit: Vëzhgo-zbulo.
Lexohet nga mësuesi/ja tema e rubrikës. Lexohet shembulli i dhënë nga nxënësit.
Punohen ushtrimet e rubrikës Ushtrohu.
Në ushtrimin 1, nxënësit gjejnë kuptime të tjera të fjalëve, duke u bazuar te modeli i dhënë.
Në të gjitha këto raste, fjala nuk është në kuptimin e fi gurshëm, por emërton diçka konkrete:
71