gjuha 4.indd - Albas

Libër mësuesi për tekstin “Gjuha shqipe 4”
- Lexohet në tekst pjesa “Figura e Skënderbeut në pikturë”.
- Drejtohen nxënësit të shikojnë me kujdes pikturat e dy piktorëve të shquar shqiptarë: Ibrahim Kodra, Spiro
Xega. Piktorët kanë paraqitur portretin e Skënderbeut në mënyra të ndryshme... . U drejtohet pyetja:
- Pavarësisht nga mënyrat e ndryshme të përdorura, çfarë bie në sy në të dy pikturat?
(shpata, përkrenarja, portreti etj.)
Përshkruani portretin e Skënderbeut duke ndalur te: të dhënat për jetën, cilësitë fizike, cilësitë e
karakterit.
- Të dhënat për jetën: lindi më 17 janar 1405. Ai është nga udhëheqësit më të shquar shqiptarë. Luftoi 25
vjet me radhë kundër pushtuesve osmanë... .
- Cilësitë fi zike: shtat lartë, i fuqishëm, i bukur, qafë të fuqishme, hijeshia e gjymtyrëve.
- Cilësitë e karakterit: trim, i dashur, krenar, komandant i shquar, zemërgjerë, i zoti, me vullnet, i pamposhtur.
Reflektimi: Turi i galerisë.
Nxënësit të ndarë në grupe përpiqen ta pikturojnë Skënderbeun, sipas mënyrës së tyre.
Pasi e përfundojnë pikturën e ngjitin në muret e klasës. Nxënësit shohin punimet e njëri – tjetrit duke bërë
shënimet përkatëse. Nxënësit përzgjedhin punimet më të mira.
Vlerësimi i nxënësve për punën e bërë.
Detyrë shtëpie: Përshkruaj fi gurën e Skënderbeut me jo më pak se 5 fjali.
Rubrika:
Tema:
Njohuri gjuhësore
Rrethanori i mënyrës
Objektivat: Nxënësi në fund të orës të jetë i aftë:
• Të dallojë rrethanorin e mënyrës në fjali.
• Të përdorë saktë pyetjet për gjetjen e rrethanorit të mënyrës (Si?; Në ç’mënyrë?).
• Të krahasojë rrethanorin me kundrinorin.
Mjetet:
Teksti, tabela, fi sha me pyetje, tabak letre, fl etë formati, stilolaps.
Fjalë kyç:
Rrethanor mënyre, si?, në ç‘mënyrë?.
Aftësitë:
Të dalluarit, të krahasuarit, të shkruarit.
Metoda dhe teknika: Mendo – krahaso – diskuto, të nxënit bashkëpunues, tabela e koncepteve.
Zhvillimi i mësimit
1. Evokimi: Mendo – krahaso – diskuto.
Paraqitet tabaku i letrës me fjali të paplotësuara ose shkruhen në dërrasë dhe drejtohen pyetjet::
Mësuesen e dëgjoi ...... .
Shila fl et ...... .
Genti shkruan ...... .
- Me cilat fjalë duhen plotësuar fjalitë? (me vëmendje, qartë, bukur)
- Cila pyetje të ndihmon për të gjetur fjalën plotësuese? (Si?)
Jepet përkufi zimi:
Fjalët plotësuese që u përgjigjen pyetjeve si?, në ç‘mënyrë? janë rrethanorë mënyre.
Lexohet fjalia:
Çdo ditë, mësuesja vlerëson me kujdes punët e nxënësve në klasë.
- Emërto fjalët plotësuese me ndihmën e pyetjeve.
- Cilat fjalë plotësuese mund të hiqen apo të zhvendosen? Cila jo?
150