gjuha 4.indd - Albas

Libër mësuesi për tekstin “Gjuha shqipe 4”
Zhvillimi i mësimit
1. Evokimi: Vëzhgo-dallo.
Mësuesi/ja shkruan në tabelë fjalët: zëmër, vend, vendasit, shembull, tendë dhe pyet:
- Sa fjalë janë shkruar saktë? Nxënësit japin numrin e fjalëve të shkruara saktë.
Mësuesi/ja, në fund u tregon nxënësve se saktë janë shkruar katër fjalë.
2. Realizimi i kuptimit: Punë e drejtuar.
Lexohet teksti nga një nxënës.
Mësuesi/ja i orienton nxënësit të lexojnë fjalët ku ndodhet zanorja e, e cila ndiqet nga bashkëtingëlloret m, n, nj.
Lexohet rregulli i dhënë në tekst.
Nxënësit orientohen të dallojnë fjalët, të cilat bëjnë përjashtim nga rregulli i mësipërm në rubrikën “Mbaj mend”.
Punimi i rubrikës Ushtrohu.
Në ushtrimin 1, nxënësit shkruajnë si duhet në fl etore fjalët e dhëna. P.sh.,
i shtrenjtë, vendim, zemërim, vendosmëri, dhëmb,
argjend, gështenjë, gjendje, parmendë, tënd,
tendos, qendror, qëndrim, shtrembëroj
Në ushtrimin 2, nxënësit shkruajnë fjalë që kanë në trup zanoren e para bashkëtingëlloreve m, n, nj.
3. Reflektimi: Diktim.
Mësuesi/ja lexon një tekst që përmban fjalë që kanë në trup të tyre e para bashkëtingëlloreve m, n, nj. Ai/ajo
nuk i lexon këto fjalë sipas rregullave drejtshqiptimore. Kërkon që nxënësit t’i shkruajnë si duhet fjalët.
Detyrë shtëpie. Të lexojnë një shkrim në një gazetë, revistë a libër dhe të nxjerrin gjashtë fjalë që kanë
zanoren e para bashkëtingëlloreve m, n, nj.
Rubrika:
Tema:
Lexim
Në planetin e çuditshëm
Objektivat pedagogjikë: Në fund të orës së mësimit nxënësi të jetë i aftë:
• Të lexojë tregimin në role.
• Të ritregojë përmbajtjen bazuar në hartën e ngjarjes ose mbi pikat e planit.
• Të krahasojë planetin Tokë me planetin e çuditshëm.
• Të dallojë fjalët e fjalorit shkencor, që përdoren në tekst.
• Të nxjerrë idenë e miqësisë midis personazheve, pavarësisht planetit që i përkasin.
Mjete:
Teksti i nxënësit.
Fjalë kyç: Planet i çuditshëm, robotë, krijesë e kuqe, kompjuter, anije kozmike, magnete speciale.
Metodologjia: Parashikim me terma paraprakë, të nxënit bashkëpunues, diskutim i përbashkët .
Zhvillimi i mësimit
1. Evokimi: Parashikim me terma paraprakë.
Bëni një tregim me fjalët: anije kozmike, robotë, planet i çuditshëm, jashtëtokësorë, takim.
Nxënësit punojnë për disa minuta dhe lexohen disa krijime.
2. Realizmi i kuptimit: Të nxënit bashkëpunues, diagrami i Venit.
I. Prezantimi i titullit të tregimit.
Leximi në heshtje nga nxënësit.
Identifikimi i personazheve të tregimit.
Leximi në role i tregimit.
98