gjuha 4.indd - Albas

Lexohet rregulli i paraqitur.
Emrat e gjinisë mashkullore që marrin e, në shumës janë të gjinisë femërore, prandaj edhe mbiemrat i marrin
të gjinisë femërore.
3. Reflektimi: Veprimtari e pavarur.
Punohet ushtrimi 3. Nxënësit kthejnë në shumës emrat dhe mbiemrat. Ata do të lexojnë dhe tregojnë se çfarë
ndryshon te emrat dhe mbiemrat.
Detyrë shtëpie. Punohen ushtrimet e Fletores së punës.
Rubrika:
Tema:
Lexojmë
Vjeshta
Libër mësuesi për tekstin “Gjuha shqipe 4”
Objektivat: Në fund të orës së mësimit nxënësi të jetë i aftë:
• Të lexojë vjershën me intonacion, sipas kërkesave të teknikës së recitimit.
• T’u përgjigjet pyetjeve për të treguar se e ka kuptuar brendinë.
• Të shprehë me fjalë ndjenjat dhe emocionet që i shkakton dëgjimi dhe leximi i vjershës.
Materialet: Pamje nga stina e vjeshtës, fotografi të bëra nga fëmijët gjatë stinës së vjeshtës,
gjethe të thata.
Fjalë kyç:
Vjeshtë, begati, e artë, bistak, kuqojnë.
Metoda dhe teknika: Pyetja e ditës, parashikim, vizatim.
Zhvillimi i mësimit
1. Evokimi: Pyetja e ditës:
- Çfarë të vjen në mendje kur themi stina e vjeshtës?
Stina e vjeshtës
Përgjigjet mund të jenë të ndryshme, si: ikjen e zogjve, rënien e gjetheve, fi llimin e shkollës, pjekjen e frutave,
kohë më e freskët, stina e pëlqyer nga piktorët etj.
Nxënësit lihen të shprehin mendimet e tyre. Më pas mund të plotësojë dhe mësuesja.
2. Realizimi i kuptimit: Parashikim.
Hapi I: Parashikim për fi gurat. Lexohet titulli.
Menjëherë ne e kuptojmë që poezia flet për stinën e vjeshtës. Le të shohim sesi poeti i njohur shqiptar Xhevahir
Spahiu e përshkruan vjeshtën.
Hapi II. Lexohet poezia me një intonacion të qetë e melodioz nga mësuesi/ja.
Hapi III. Mësuesi/ja pyet nxënësit:
- Si ndiheni pasi keni dëgjuar vjershën? Nxënësit shprehin emocionet dhe përfytyrimet e tyre.
- Përfytyroj zogjtë shtegtarë që nisen për shtegtim etj. Imagjinoj gjethet e pemëve që bien,
frutat që piqen, njerëzit që i vjelin ato.
Hapi IV. Punohet rubrika Kupto tekstin.
Hapi V. Nxënësit gjejnë të ç’lloji janë emrat me të cilët tregohen ndjenjat e poetit.
(emra abstraktë)
3. Reflektimi: Vizatim.
Vizato peizazhin e vjeshtës.
Detyrë shtëpie. Mësoni vjershën përmendsh.
41