gjuha 4.indd - Albas

Mësimi 4.9
Tema: Të ushqyerit e kafshëve
Objektivat: Në fund të orës së mësimit nxënësi duhet të jetë i aftë:
1. Të përcaktojë tre faktorë që ndikojnë në mënyrën e të ushqyerit të kafshëve.
2. Të përshkruajë mënyrën e sigurimit të ushqimit të kafshëve mishngrënëse.
3. Të tregojë mënyrën e të ushqyerit të pesë kafshëve.
4. Të shpjegojë arsyen e grumbullimit të ushqimit nga disa kafshë.
Fjalë kyç: ushqim, strategji, grumbullim, preja, vrasja, kapja, mbijetesë.
Mjetet: teksti i nxënësit, foto të kafshëve me ushqimet e tyre, ushqim që përdorin për kafshët
shtëpiake, kafshë lodra, kuriozitete etj.
Libër mësuesi për tekstin “Dituri natyre 4”
Fazat e strukturës
Evokimi
Realizimi i kuptimit
Reflektimi
Metodat mësimore
dramatizim pjese
krahaso-argumento-prano
shkrim i lirë
Veprimtaritë e nxënësve
nxitje diskutimi
të nxënit bashkëpunues
nxitja për të shkruar
Zhvillimi i mësimit
Evokimi:
Mësuesja ka porositur që disa nxënës për të mësuar pjesën “Gjinkalla dhe milingona”.
Bëhet interpretimi me role i pjesës. Më tepër rëndësi duhet t’i kushtohet fjalëve, që kanë lidhje
me ushqimin e këtyre insekteve, sesa moralit të fabulës. Për këtë arsye, mësuesi/ja mund të
shtojë diçka më tepër.
Pas interpretimit nxitet diskutimi.
Çfarë janë gjinkalla dhe milingona?
Me çfarë ushqehen ato?
Pse grumbullon ushqim milingona?
A dini ndonjë kafshë tjetër që vepron kështu?
Realizimi i kuptimit:
Nxënësit hapin librin dhe njihen me problemin.
Nga varet mënyra e ushqimit të kafshëve:
1. nga tipi i ushqimit
2. nga mjedisi ku jetojnë
3. nga ndryshimet fi zike të kafshëve
Për të provuar vërtetësinë e këtyre, nxënësit diskutojnë mendimet në grup. Përdorin mënyrën
e krahasimit të disa kafshëve. Ka shumë rëndësi që secili të thotë mendimin e tij. Mësuesi u
sugjeron nxënësve ku duhet të mbështeten dhe i ndihmon për të argumentuar faktet.
Mendoni se mënyra e ushqimit varet nga tipi i ushqimit?
Krahasoni disa kafshë që ushqehen me lloje të ndryshme ushqimi, p.sh. ujku, ketri dhe
lopa. Cili e ka më të vështirë? Pse? Çfarë duhet të bëjë ujku për të kapur një ketër? A e ka të
vështirë lopa për të gjetur bar? A ka ushqim për ketrin gjatë gjithë vitit? Çfarë bën ai?
Mendoni se mënyra e ushqimit varet nga mjedisi ku jetojnë kafshët?
Krahasoni katër kafshë, që jetojnë në mjedise të ndryshme, p.sh., si: qukapiku, ariu polar,
balena. Cila prej këtyre migron për shkak të ushqimit? Si është e përshtatur goja e balenës?
Pse? Ku qëndron qukapiku? Ç’lidhje ka me pemët? Me çfarë ushqehet ariu polar? A ka ushqim
gjithë vitin në pole?
423