gjuha 4.indd - Albas

Realizimi i kuptimit:
Nxënësit vëzhgojnë me kujdes mënyrën si i ha farat shpendi që kanë sjellë në klasë.
Më pas, diskutojnë rreth fotove të shpendëve bimëngrënës, duke u përqendruar në format
e sqepit të tyre.
Mësuesi shkruan një pohim të saktë dhe nxënësit duhet ta argumentojnë atë duke përdorur
materialin në tekst, fotot, njohuri nga enciklopeditë apo burime të tjera.
Pohimi
Sqepi i shpendëve bimëngrënës i është përshtatur llojit të ushqimit.
Mbështetja
Sqepi u shërben shpendëve për të kapur ushqimin. Shpendët nuk e kanë të njëjtë formën e sqepit.
Kanarinat, harabelat e kanë sqepin të shkurtër dhe të fortë. Ai u shërben për të çarë farat e forta të
bimëve. Kolibri e ka sqepin të gjatë e të hollë për të marrë nektarin brenda lules. Papagalli ka sqep të fortë
dhe të kthyer. Atij i shërben për të çarë lëvozhgën e frutave dhe për t’u mbajtur në degët e pemëve.
Libër mësuesi për tekstin “Dituri natyre 4”
Vizatohen tri forma të ndryshme të sqepit të shpendëve.
Reflektimi:
Lexohet rubrika “Aktivizohu dhe përgjigju”. Punohen pyetjet e tekstit.
Në tabelë jepen rreth 15 emra kafshësh. Nxënësit duhet t’i klasifi kojnë sipas ushqimit në
disa grupe.
zebra, gjarpri, balena, breshka, karkaleci, miu, shqiponja, pula, leopardi, elefanti, deveja,
pelikani, qeni, bleta, kameleoni, dreri.
Kontrollohen grupimet që kanë bërë nxënësit.
Vlerësohen nxënësit me notë.
Detyrë shtëpie: Jepet Fletorja e punës dhe ndërtimi i mjetit të paraqitur te rubrika “Mësojmë
së bashku”.
Mësimi 4.11
Tema: Shpendët grabitqarë
Objektivat: Në fund të orës së mësimit nxënësi duhet të jetë i aftë:
1. Të përcaktojë 3-4 aftësi të shpendëve grabitqarë për gjuajtjen e gjahut.
2. Të përshkruajë karakteristikat e shpendëve insektengrënës, kufomëngrënës dhe të
shpendëve të ujit.
3. Të emërtojë një shpend për çdo grupim.
4. Të përshkruajë mënyrën si e kap një shpend grabitqar gjahun e vet.
Fjalë kyç: aftësi, kthetra, gjah, shpendë grabitqarë, insektengrënës, kufomëngrënës.
Mjetet: teksti i nxënësit, foto të shpendëve të ndryshëm, kuriozitete për to.
Fazat e strukturës
Evokimi
Realizimi i kuptimit
Reflektimi
Metodat mësimore
stuhi mendimi
grupe ekspertësh
shkrim i lirë
Veprimtaritë e nxënësve
zhvillim fjalori
të nxënit bashkëpunues
nxitja për të shkruar
425