gjuha 4.indd - Albas

Rubrika: Shkruajmë
Tema: Përshkruajmë tingujt dhe ngjyrat e vjeshtës
Objektivat: Në fund të orës së mësimit nxënësi të jetë i aftë:
• Të përshkruajë stinën e vjeshtës.
• Të përdorë fjalë dhe shprehje që i përkasin kësaj stine.
• Të shprehë ndjenjat dhe emocionet e tij/saj në përshkrim.
• Të përshkruajë duke u bazuar në imagjinatën dhe fantazinë e tij/saj.
Metoda dhe teknika: Përmbledhje e strukturuar, veprimtari shkrimi.
Materialet:
Lapsa, fletë të bardha, gjethe të thata të pemëve, shkopinj, degë të vogla drurësh,
grafi k organizues (gjethja).
Fjalë kyç:
Vjeshtë, tinguj, ngjyra, fëshfëritje, kërcitje, mërmëritje.
Libër mësuesi për tekstin “Gjuha shqipe 4”
Zhvillimi i mësimi
1. Evokimi. Përmbledhje e strukturuar.
Mësuesja i orienton nxënësit për veprimtarinë që do të realizojnë.
-Sot do të përshkruajmë stinën e artë të vjeshtës. Më dëgjoni me kujdes! Pjesa që do të lexoj është shkëputur
nga përralla “Bambi”, jam e sigurt që e keni parë edhe fi lm. Bëhuni gati!
2. Realizimi i kuptimit: Veprimtari e drejtuar.
Hapi I. Lexohet nga mësuesja pjesa. Leximi duhet të jetë i qetë dhe shprehës.
-A e përfytyruat skenën?
-Si mendoni, cilët janë tingujt e vjeshtës? (kërcitja e degëve, fëshfëritja e pemëve, shirat që bien,
melodia që krijojnë ato).
- Po ngjyrat e vjeshtës?
Nxënësit orientohen të lexojnë thesin e fjalëve.
Hapi II. Veprimtari shkrimi.
Nxënësit bëjnë përshkrimin e vjeshtës në një kohë 20-25 minuta. Ju mund t’iu sugjeroni të vizatojnë një gjethe
të madhe në fl etore dhe të shkruajnë brenda saj. Më pas ta ngjyrosin gjethen. Ne mund t’ju sugjerojmë dhe
disa grafi kë në formën e gjethes, të ketrit, të lajthisë, të misrit. (Shiko grafikët). Nxënësit le të zgjedhin njërin
prej tyre. Mendojmë se do ta bënte dhe më interesant përshkrimin.
Në fund lexohen punimet e nxënësve.
3. Reflektimi: Me mjetet e sjella nxënësit formojnë një pemë me gjethe të rëna.
Detyrë shtëpie. Formo një pesëvargësh me fjalën Vjeshtë.
43