gjuha 4.indd - Albas

Libër mësuesi për tekstin “Dituri natyre 4”
1. Bima hahet nga lepuri. Lepuri hahet nga dhelpra.
2. Nektari i lules thithet nga bleta. Bleta hahet nga zogu. Zogu hahet nga shqiponja.
3. Bima hahet nga kërmilli Kërmilli hahet nga iriqi.
Renditja e fjalëve që ju bëtë në fl etore, a përbën një zinxhir ushqimor? Pse?
Çfarë vini re në këta zinxhirë ushqimorë?
Cila është gjallesa e parë në të?
U shpjegohen nxënësve se në bazë të çdo zinxhiri qëndron bima. Ajo e prodhon lëndën
ushqyese, ndërsa kafshët e marrin të gatshme nga bimët ose nëpërmjet kafshëve të tjera.
Plotësohen zinxhirët ushqimorë te fi gurat e librit.
Reflektimi:
Punohen dy rubrikat e tekstit.
Nxënësit paraqesin me vizatim ose me fjalë disa zinxhirë ushqimorë. Kjo mund të bëhet edhe
punë në grup, duke kombinuar me njëri-tjetrin fi gurat e gjallesave që kanë sjellë. Ngjiten në
një format të madh dhe paraqitet në mur ose tabelë puna e secilit grup. Lexohen nga nxënësit
zinxhirët ushqimorë.
Vlerësohen nxënësit me notë për mënyrën e ndërtimit dhe argumentimit të zinxhirëve
ushqimorë.
Detyrë shtëpie: Jepet Fletorja e punës.
Mësimi 4.15
Tema: Qarkullimi i lëndëve në natyrë
Objektivat: Në fund të orës së mësimit nxënësi të jetë i aftë:
1. Të përcaktojë prodhuesit dhe përbërësit në zinxhirin ushqimor.
2. Të përshkruajë funksionin që kryejnë prodhuesit dhe përbërësit në qarkullimin e lëndëve në natyrë.
3. Të emërtojë konsumatorët në një zinxhir ushqimor.
4. Të argumentojë rëndësinë që kanë prodhuesit, konsumatorët dhe përbërësit në natyrë.
Fjalë kyç: prodhues, shpërbërës, baktere, mikroorganizma, qarkullimi i lëndëve, lëndë
minerale, konsumator.
Mjetet: teksti i nxënësit, fletore e diturisë, fl etë A4, kapëse, bojëra uji.
Fazat e strukturës
Evokimi
Realizimi i kuptimit
Reflektimi
Metodat mësimore
gushëkuqi rrethor
vëzhgo-komento, rrjeti i diskutimit
lojë
Veprimtaritë e nxënësve
zhvillim fjalori
të nxënit bashkëpunues
paraqitje konkrete e informacionit
Zhvillimi i mësimit
Evokimi:
Punohet në grup për të përsëritur njohuritë që kanë nxënësit për zinxhirin ushqimor. Secili
prej anëtarëve të grupit duhet të thotë një ide, thënie apo pyetje rreth zinxhirit ushqimor. Pasi
mbarojnë në grup idetë më të rëndësishme thuhen me zë në klasë. Ja disa mendime:
Zinxhiri ushqimor ngjan me zinxhirin e vërtetë, sepse te të dy, elementet përbërëse janë të
lidhura me njëra-tjetrën.
Në fi llim të çdo zinxhiri qëndron një bimë. Një zinxhir ushqimor mund të ketë numër të
ndryshëm gjallesash. Edhe njeriu bën pjesë në zinxhirin ushqimor.
430