gjuha 4.indd - Albas

Libër mësuesi për tekstin “Dituri natyre 4”
Mësimi 4.2
Reflektimi:
Lexohet rubrika “Unë zbulova se”. U jepet përgjigje pyetjeve të rubrikës “Aktivizohu dhe
përgjigju”, si dhe shkruhet një pesëvargësh për devenë dhe ariun polar.
Nxënësit vlerësohen me notë.
Detyrë shtëpie: Jepet Fletorja e punës dhe nxënësit të paraqesin me vizatim përshtatjen
e shpendëve në dimër.
Shënim:
Gjatë kësaj linje, nxënësit porositen që të sjellin foto të kafshëve, dhe në fund, duhet të
përgatitin një album duke u mbështetur në karakteristikat e veçanta të tyre.
Tema: Çfarë bëjnë kafshët në dimër?
Objektivat: Në fund të orës së mësimit nxënësi duhet të jetë i aftë:
1. Të përcaktojë dy karakteristika të sjelljes së kafshëve për të mbijetuar në stinën e dimrit.
2. Të përshkruajë gjendjen pasive të disa kafshëve gjatë gjumit dimëror.
3. Të tregojë pesë kafshë që migrojnë gjatë stinës së dimrit.
4. Të përshkruajë migrimin e shpendëve në vendet e ngrohta.
5. Të shpjegojë 2-3 arsye të migrimit të shpendëve.
Fjalë kyç: gjumë letargjik, gjendje pasive, migrim, shpendë shtegtarë.
Mjetet: teksti i nxënësit, foto të kafshëve që bëjnë gjumë dimëror dhe të shpendëve që
migrojnë, kuriozitete ose të dhëna të tjera për to.
Fazat e strukturës
Evokimi
Realizimi i kuptimit
Reflektimi
Metodat mësimore
alfabeti i njëpasnjëshëm
pyetja sjell pyetjen
plotësim tabele
Veprimtaritë e nxënësve
zhvillim fjalori
të nxënit ndërveprues
paraqitje grafi ke e informacionit
Zhvillimi i mësimit
Evokimi:
Nxënësit shkruajnë emra kafshësh për çdo shkronjë të alfabetit. Punohet në grupe me nga
4-5 vetë.
Mësuesi duhet të ketë përgatitur formatin e gatshëm me shkronjat e alfabetit.
Lexohen emrat e kafshëve nga grupet e ndryshme. Mësuesi përzgjedh nga ato emrat e
disa kafshëve, që bëjnë gjumë dimëror dhe që migrojnë. Pyeten nxënësit se çfarë bëjnë në
dimër këto kafshë.
Realizimi i kuptimit:
Mësuesi tregon dy karakteristika të sjelljes së kafshëve në dimër: gjumi letargjik dhe migrimi
dhe shpjegon me pak fjalë kuptimin e tyre.
U drejtohen nxënësve dy pyetje me fjalën pse.
1. Pse bëjnë gjumë letargjik disa kafshë?
2. Pse migrojnë disa shpendë?
Për t’iu përgjigjur këtyre pyetjeve, nxënësit duhet të lexojnë materialin në tekst dhe të
përdorin edhe njohuritë që kanë. Gjatë leximit, ata duhet të bëjnë pyetje rreth materialit, dhe
t’i japin përgjigje njëri-tjetrit. Kjo i ndihmon për t’u thelluar në lexim dhe për t’i mbajtur mend
më mirë njohuritë.
414