gjuha 4.indd - Albas

Libër mësuesi për tekstin “Gjuha shqipe 4”
Rubrika:
Tema:
Lexojmë
Henriketa
MIRËSI DHE PAQE
Objektivat: Në fund të orës së mësimit nxënësi të jetë i aftë:
• Të lexojë tregimin duke respektuar shenjat e pikësimit.
• Të dallojë personazhet e tregimit.
• T`iu përgjigjet pyetjeve mbi tregimin.
• Të analizojë personazhet e tregimit duke u bazuar në veprimet e tyre.
• Të diskutojë mbi situata të ngjashme me ato të personazheve të tregimit.
Mjetet:
Fjalë kyç:
Aftësitë:
Metodologjia:
teksti i nxënësit, Fletore pune.
vajza, pastiçeri, pasta, vajzë e varfër, blej, dhuroj.
të lexuarit, të shprehurit, të analizuarit.
parashikim me terma paraprakë, lexim i drejtuar, mendo-përmblidh-argumento.
Zhvillimi i mësimit
1. Evokimi: Parashikim me terma paraprakë.
Mësuesi/ja u kërkon nxënësve të formojnë një tregim të shkurtër me fjalët: dy vajza të pasura, pastiçeri,
pastë, vajzë e varfër, dhuroj. Nxënësit punojnë disa minuta. Më pas, lexojnë krijimet e tyre. Leximi bëhet nga
3-4 nxënës. Ata inkurajohen për punimet që kanë bërë.
2. Realizmi i kuptimit: Lexim i drejtuar.
Mësuesi/ja u prezanton nxënësve temën e re. Ai/ajo lexon pjesën sqaruese rreth autores së tregimit.
Ana Franku ishte një vajzë izraelite. Ajo u bë e njohur në të gjithë botën për ditarin e saj, të
cilin e shkroi gjatë viteve të luftës. Ana u vra nga nazistët fashistë, në një kamp përqendrimi gjatë
Luftës së Dytë Botërore. Ajo ka shkruar tregime, të cilat janë përmbledhur në librin “Magjistari i
mençur”. Tregimi “Henriketa” është marrë nga ky libër.
Bazuar në ditarin e Ana Frankut, është realizuar dhe një fi lm, i cili tregon për fatin e saj dhe të shumë
izraelitëve të tjerë, të cilët u vranë gjatë Luftës së Dytë Botërore.
Ndalesa I. Donte dhe një çerek ore ... deri te ... po argëtohesha.
- Ku po shkonte vajza?
- Çfarë po shikonte ajo?
- Si po silleshin dy vajzat?
- Pse po i vështronte vajza?
Ndalesa II. Nga biseda e tyre... deri te ... se ç’shije ka.
- Ku po shkonin dy vajzat?
- Çfarë blenë ato?
- Kë panë vajzat në pastiçerinë tjetër?
- Si veproi njëra prej tyre?
- Po vajza tjetër çfarë do të bëjë?
70
Ndalesa III. Henriketa nuk u përgjigj... deri në fund.
- Çfarë bëri Henriketa?
- A u përputh parashikimi juaj me veprimin e saj?
- Ç’cilësi e karakterit të Henriketës del në pah me veprimin e saj?