gjuha 4.indd - Albas

Libër mësuesi për tekstin “Dituri natyre 4”
Zhvillimi i mësimit
Evokimi:
Shkruhet problemi në tabelë:
Ne duhet ta kemi kujdes Tokën, është e vetmja që kemi!
Nxiten nxënësit që t’i bëjnë pyetje autorit, pse e ka shkruar këtë thënie. Nëse nxënësit
hezitojnë në fillim, mësuesja ngacmon nxënësit që të bëjnë sa më shumë pyetje. Këtyre pyetjeve
u japin përgjigje nxënësit e tjerë, bashkë me mësuesen. Pyetjet mund të jenë të kësaj forme:
1. Pse duhet të kujdesemi ne për Tokën, kur në planet ka dhe gjallesa të tjera.
2. Toka është shumë e madhe, si mund të kujdesemi për të?
3. Çdo të thotë është e vetmja që kemi?
4. Unë mendoj se jeta në Tokë varet nga Dielli. Nëse do të shuhej ai, Toka do të ngrinte.
5. Ne duhet të kujdesemi edhe për ujin?
Realizimi i kuptimit:
Planeti Tokë përbëhet nga toka dhe uji. Ky i fundit, zë 2/3 e gjithë sipërfaqes. Por, si quhen
pjesët e ndryshme me ujë dhe ato të tokës?
Nxënësit vëzhgojnë hartën fi zike dhe dallojnë pjesët më të ngritura dhe ato më të ulëta.
Diskutohet figura e madhe e librit dhe emërtohen format e ndryshme të mjedisit.
Përshkruhet çdo formë e mjedisit duke parë fi gurat dhe duke lexuar materialin. Mësuesja
bashkë me nxënësin mund të shtojë njohuri të tjera, por jo të detajuara, sepse do mësohen
në mësimet e ardhshme.
Pyetje enigmë drejtuar njeri-tjetrit:
Nxënësi 1: - Është formë e mjedisit. Më thuaj për çfarë bëhet fjalë?
Nxënësi 2: - Është pjesë toke?
Nxënësi 1: - Po.
Nxënësi 2: - Është sipërfaqe e rrafshët?
Nxënësi 1: - Jo.
Nxënësi 2: - Është shumë e ngritur ?
Nxënësi 1: - Po.
Nxënësi 2: - Është mali?
Nxënësi 1: - Po.
Zhvillohen dy-tri lojëra të tilla, në mënyrë që nxënësit të përvetësojnë më mirë format e
mjedisit.
Punë në çift. Krahasohen me diagramin e Venit format e mjedisit dhe lexohen nga disa
grupe. Kjo mund të punohet në fl etore ose në fl etë A4.
mali
i lartë
shkëmb
ftohtë, borë
të përbashkëtat
tokë
pjesë e ngritur
forma të mjedisit
kodra
e ulët
e gjelbëruar
lumi
rrjedh
i ngushtë
derdhet në det
të përbashkëtat
ujë i ëmbël
notohet
peshq
liqeni
nuk lëviz
gropë e madhe
ujë i ndenjur
330