gjuha 4.indd - Albas

Përcaktohen nga libri dhe disa faktorë të tjerë, që ndikojnë te temperatura: Prania e deteve
apo liqeneve, lartësia mbi nivelin e detit etj.
Lexohet rubrika “Unë zbulova se”, dhe u jepet përgjigje pyetjeve të tekstit.
Reflektimi:
Nxënësit lexojnë sipas grupeve treguesin e termometrit të ajrit.
Nxjerrin tabelën me të dhënat e temperaturave ditore (të jenë të paktën 3-4 ditë). Secili prej
tyre duhet të llogaritë temperaturën mesatare ditore dhe të ndërtojë një grafi k të varësisë së
temperaturës mesatare me ditët e javës.
temperaturat
në mëngjes në drekë në darkë temperatura mesatare
dita e parë 14 ºC 23 ºC 17 ºC 18 ºC
dita e dytë
dita e tretë
....etj.
Libër mësuesi për tekstin “Dituri natyre 4”
Mësimi 1.20
Tema: Shtypja atmosferike
Objektivat: Në fund të orës së mësimit nxënësi duhet të jetë i aftë:
1. Të shpjegojë me fjalë të thjeshta trysninë atmosferike.
2. Të bëjë lidhjen midis trysnisë atmosferike dhe temperaturës e lartësisë.
3. Të provojë me eksperiment dukurinë e shtypjes atmosferike.
Fjalë kyç: shtypje atmosferike, masë, ajër, barometër.
Mjetet: teksti i nxënësit, tullumbace, vizore e gjatë, fi ll, gotë, kartolinë, ujë, shishe, hinkë.
Metodat mësimore: eksperiment, shpjegim, ditari i ndarë në tri pjesë.
Zhvillimi i mësimit
Hapi i parë
Mësimi fi llon me një eksperiment të thjeshtë. Nxënësit mbajnë pëllëmbën e njërës dorë
mbi bankë, sipër saj vendosin me radhë: një fl etore, një libër, një çantë. Çfarë ndiet ju mbi
pëllëmbën tuaj? Cila ua shtypi (ngjeshi) më shumë dorën? Pse?
Çanta ka masë më të madhe, prandaj ushtron mbi ju më shumë forcë.
Hapi i dytë
Nxënësit marrin qëndrimin drejt në karrige.
Pak më parë, mbi ju (dorën tuaj), u ushtrua një forcë. Po tani, a po ushtrohet ndonjë forcë
tjetër? Ngacmohen nxënësit me pyetje.
Çfarë ka rreth jush që nuk e shihni?
A mendoni se ajri ushtron forcë mbi ju?
Ndonjë nxënës mund të thotë se ajri nuk është i rëndë si libri, prandaj nuk ka si të ushtrojë
forcë mbi ne.
Provohet me eksperimentin e Fletores së punës, me tullumbace se ajri ka masë, tullumbacja
e fryrë rëndon më shumë se e shfryra.
357