gjuha 4.indd - Albas

Libër mësuesi për tekstin “Matematika 4”
Realizimi: Të lexuarit e drejtuar.
Nxënësit lihen të lexojnë dhe të vëzhgojnë tabelën e të dhënave, më pas nxënësit pyeten.
- Cila është tema e studimit?
- Cilat janë mënyrat e ardhjes në shkollë të nxënësve?
- Çfarë mund të nxjerrim nga kjo tabelë?
- Cila është mënyra më e rrallë e ardhjes në shkollë? Po më e dendur?
Vazhdohet leximi i pjesës së dytë nga nxënësit dhe më pas mësuesi vazhdon pyetjet:
- A ndryshon mënyra e paraqitjes së të dhënave nga mësuesja?
- A është e vështirë të përcaktojmë numrin e nxënësve të ardhur me makinë, me prindërit etj.?
- Çfarë duhet të shikojmë për të përcaktuar se cila është mënyra më e dendur e ardhjes
në shkollë?
- Si quhet mënyra e paraqitjes së të dhënave nga mësuesja?
- Ç’është moda e të dhënave dhe sa është ajo te ky studim?
Reflektimi: Puno dyshe-diskuto në klasë.
Nxënësit punojnë në dyshe me ushtrimin 1, faqe 149 dhe më pas diskutohen në klasë
përgjigjet, duke i korrigjuar ato.
Më pas, mësuesi ngre një skuadër prej 4 vetash dhe bën studimin në klasë: “gjatësia e
nxënësve të klasës”.
Secili anëtar i skuadrës merr detyrat dhe vazhdon studimin.
Nxënësi i parë me një fl etë dhe një laps merr bankë më bankë gjatësinë e tyre.
Nxënësi i dytë i përpunon këto të dhëna në tabelë.
Nxënësi i tretë i përpunon në histogram.
Nxënësi i katërt përcakton modën, mesataren aritmetike.
Vlerësimi: Në fund, mësuesi i vlerëson këta nxënës për punën e tyre.
Detyrë shtëpie: fl etë pune, faqe 81-82.
Mësimi 3
Tema: Interpretimi i të dhënave
Objektivat:
1) Të njehsojë probabilitetin e një ngjarjeje.
2) Të paraqesë të dhënat e saj në tabelë, histogram.
3) Të përcaktojë modën e ngjarjeve.
Konceptet: probabilitet, histogram, moda.
Mjetet: libër, fl etë pune.
Struktura:
Evokim Realizim Reflektim
Stuhi mendimesh Përvijim i të menduarit Puno dyshe - Diskuto në
klasë - Punë në grup
Evokim: Stuhi mendimesh
Mësuesja merr në dorë një monedhë 20 lekëshe dhe pyet nxënësit:
- Cila është mundësia që të bjerë “stema” në hedhje?
Merr një zar në dorë dhe përpara se ta hedhë pyet nxënësit:
- Cila është mundësia që të bjerë numri 2?
- Po mundësia e numrave çift?
Një nënë është shtatzënë.
- Cila është mundësia të lindë djalë?
- Cila është moda? Si njehsohet mesatarja aritmetike?
314