gjuha 4.indd - Albas

Libër mësuesi për tekstin “Dituri natyre 4”
Mësimi 1.1
Kapitulli
M J E D I S I N A T Y R O R
Tema: Vendi im në planetin Tokë
Objektivat: Në fund të orës së mësimit nxënësi duhet të jetë i aftë:
1. Të përcaktojë shtrirjen e Shqipërisë në planetin Tokë.
2. Të dallojë elementet përbërëse të planetit Tokë duke u nisur nga pamja e jashtme.
3. Të përshkruajë vendbanimin e tij.
I
Fjalë kyç: planet, gadishull, oqean, kontinent, shtet, vendbanim.
Mjetet: teksti i nxënësit, globi, harta e botës, harta e Shqipërisë. Këshillohet që globi dhe
harta të jenë përherë në klasë.
Fazat e strukturës Metodat mësimore Veprimtaritë e nxënësve
Evokimi bisedë, lojë zhvillim fjalori
Realizimi i kuptimit vëzhgo- diskuto, harta e mendjes paraqitje grafi ke
Reflektimi shkrim i lirë nxitja për të shkruar
Zhvillimi i mësimit
Evokimi:
Bisedë me nxënësit, të cilët sapo janë kthyer nga pushimet.
1. Cili prej jush i ka kaluar pushimet në një qytet tjetër?
2. A është larg prej qytetit tonë?
3. Çfarë kishte të veçantë ai?
4. A ka qenë ndonjëri prej jush jashtë shtetit?
5. Ju udhëtuat me avion? Etj.
Zhvillohet pesë minuta një lojë. Një nxënës do të thotë alfabetin pa zë dhe ndalon kur i
thotë nxënësi tjetër. Me shkronjën në të cilën ndaloi, të gjithë do shkruajnë nga një emër qyteti
dhe shteti. Kush i shkruan i pari thotë stop, të tjerët duhet të ndalojnë. Lexojnë ata nxënës që
i kanë shkruar të dy: qytetin dhe shtetin. Kjo përsëritet disa herë. Loja mund të zhvillohet dhe
në grup.
Realizimi i kuptimit:
Hapet libri. Nxënësit njihen me një nga objektivat e orës duke lexuar rubrikën hyrëse
“Problemi”.
Vëzhgohen fi gurat dhe komentohen. U tregohet nxënësve globi. Lihen të lirë të bëjnë
komentet sipas dëshirës. Shkruhen në tabelë mendimet e tyre.
Mësuesi shton dhe saktëson njohuritë e nxënësve. Pjesa më e madhe e planetit është ujë,
rreth ¾ e tij. Sipërfaqet e mëdha të tokës quhen kontinente, ndërsa sipërfaqet e mëdha me ujë
janë oqeanet. Plotësohet harta e mendjes.
328