gjuha 4.indd - Albas

Mësimi 1.27
Tema: Ndotja e ujit
Objektivat: Në fund të orës së mësimit nxënësi duhet të jetë i aftë:
1. Të identifi kojë disa nga ndotësit kryesorë të ujit të pijshëm.
2. Të përshkruajë disa nga mënyrat e ndotjes së ujit.
3. Të parashikojë dëmet, që vijnë nga përdorimi i ujit të ndotur.
4. Të tregojë disa mënyra të parandalimit të ndotjes.
Fjalë kyç: Ujë i ndotur, ujëra të zeza, kanalizime, mbeturina industriale, pastrues specialë
(fi ltra), epidemi, cisterna naftëmbajtëse, stacione pastrimi, kanalizime.
Mjetet: teksti i nxënësit, fl etë formati A4, materiale nga interneti apo burime të tjera për
ndotjen e ujit, fakte nga gazetat, revistat etj.
Libër mësuesi për tekstin “Dituri natyre 4”
Fazat e strukturës
Evokimi
Realizimi i kuptimit
Reflektimi
Metodat mësimore
imagjinatë e drejtuar
organizues grafi k
përmbledhja pohim-mbështetje
Veprimtaritë e nxënësve
nxitje diskutimi
të lexuarit ndërveprues
paraqitje grafi ke e informacionit
Zhvillimi i mësimit
Evokimi:
Mësuesi u lexon nxënësve përrallën “Princesha dhe bretkosa” (në versionin modern), marrë
nga botimi “Mjedisi në qytetin tim”.
Na ishte njëherë një princeshë e bukur, e cila jetonte në një pallat të madh. Në oborrin
e pallatit ndodhej një liqen i vogël. Princeshës i pëlqente shumë të shëtiste buzë liqenit. Aty
kishte shumë bretkosa, të cilat luanin pa pasur frikë nga prania e vajzës. Një ditë, ajo vuri re
se diçka kishte ndryshuar. Liqeni ishte mbushur me mbeturina. Disa peshq kishin ngordhur.
Princesha nuk e dinte, por plehrat kimike, që kopshtari i kishte përdorur për lulet e kopshtit,
kishin përfunduar në liqen. Bretkosat kishin ndryshuar ngjyrën e trupit. Princesha u përkul mbi
sipërfaqen e liqenit për të parë pasqyrimin e saj në ujë, kur njëra prej bretkosave rozë i kërceu
mbi prehër. Ajo filloi të këndojë me zërin e saj të çjerrë. Princesha e kënaqur mori bretkosën
në dorë dhe i dha një të puthur.
Por, …nuk ndodhi asnjë çudi si në fabulën e vërtetë….
Pas tri javësh, të gjitha bretkosat e liqenit kishin ngordhur nga një sëmundje e panjohur,
ndërsa princesha ishte shtruar në spital, ku po kurohej për një plasje të keqe të buzëve.
Pas leximit të përrallës, nxiten nxënësit për diskutim.
Realizimi i kuptimit:
Hapet libri. Lihen nxënësit të vëzhgojnë fi gurat për disa minuta dhe të japin mendime rreth
tyre.
Ndotja e ujit të pijshëm është një nga problemet më shqetësuese sot për njerëzit, sepse ai
ndikon drejtpërdrejt në shëndetin tonë. Kjo lidhet dhe me faktin që nga i njëjti ujësjellës, nëse
do të ishte i ndotur, do të pinin ujë mijëra njerëz, gjë e cila mund të sjellë epidemi të mëdha.
Mësuesi udhëzon nxënësit që të lexojnë tekstin me vëmendje dhe të plotësojnë tabelën
në grup. Ai u shpjegon qartë katër kërkesat e tabelës dhe ndihmon grupet, kur e sheh të
nevojshme.
367