gjuha 4.indd - Albas

Libër mësuesi për tekstin “Dituri natyre 4”
Mund të lexohen materiale shtesë për disa lloj erërash ose kuriozitete.
Eksperimenti me qiri të ndezur kryhet me grupe. Çdo nxënës duhet ta vëzhgojë me kujdes
dhe të nxjerrë përfundimin vet, ndërsa shpjegimi kryhet me ndihmën e mësuesit.
Eksperimenti
Vendosim qiririn e ndezur në
pjesën e poshtme të derës dhe
e hapim atë.
Vendosim qiririn e ndezur në
pjesën e sipërme të derës dhe
e hapim atë.
Rezultati
Flaka e qiririt anohet nga brenda.
Flaka e qiririt anohet nga jashtë.
Shpjegimi
Ajri i ftohtë jashtë dhomës është
i rëndë dhe ulet poshtë. Ai ka
shtypje më të madhe dhe hyn në
dhomë.
Ajri i ngrohtë dhe i lehtë i dhomës
ngrihet lart dhe del jashtë, shtypja
është e ulët.
Reflektimi:
Plotësohet kolona e tretë e tabelës: Di, Dua të di, Mësova, me njohuritë e mësuara në këtë orë.
Mësuesi kontrollon punët e nxënësve.
Nxënësit vlerësohen me notë.
Detyrë shtëpie: Jepet ushtrimi 4 në libër dhe Fletorja e punës.
Mësimi 1.22
Tema: Reshjet
Objektivat: Në fund të orës së mësimit nxënësi duhet të jetë i aftë:
1. Të përshkruajë me fjalë të thjeshta procesin e formimit të reshjeve.
2. Të përcaktojë karakteristikat e tri llojeve të reshjeve.
3. Të bëjë lidhjen midis reshjeve dhe stinëve apo vendeve të ndryshme.
4. Të argumentojë rëndësinë dhe pasojat negative të tri llojeve të reshjeve.
Fjalë kyç: reshje, shi, borë, breshër, vetëtima, bubullima, përmbytje, avuj uji, re, ortek.
Mjetet: teksti i nxënësit, fletorja, fotografi në ditë me borë, kuriozitete për reshjet.
Fazat e strukturës
Evokimi
Realizimi i kuptimit
Reflektimi
Metodat mësimore
shkrim i lirë
tabela e koncepteve
pyetje- përgjigje
Veprimtaritë e nxënësve
zhvillim fjalori
paraqitje grafi ke e informacionit
përsosja e të shprehurit
Zhvillimi i mësimit
Evokimi:
Nxënësit do të bëjnë një shkrim të shpejtë, duke shkruar pa e shkëputur dorën nga fleta dhe pa
i kushtuar rëndësi renditjes së fjalive. E rëndësishme është që të shkruhen sa më shumë ide.
Grupi i parë: Një ditë me shi.
Grupi i dytë: Një ditë me diell.
Nxënësit lihen të shkruajnë për pesë minuta. Pastaj, lexohen nga 2-3 shkrime për çdo grup.
Pse ndiheni të kënaqur kur dëgjoni fjalën borë?
A bie shpesh ajo në vendbanimin tuaj?
Pse ndodh kjo?
360
Realizimi i kuptimit:
Hapen librat dhe njihen nxënësit me objektivat e orës së mësimit.
U caktohet detyrë të gjejnë dhe lexojnë në tekst procesin e formimit të reshjeve. Më pas
diskutohet me të gjithë klasën.