gjuha 4.indd - Albas

Libër mësuesi për tekstin “Dituri natyre 4”
Mësimi 3.20
Tema: Ngjyrat e dritës
Objektivat: Në fund të orës së mësimit nxënësi duhet të jetë i aftë:
1. Të provojë zbërthimin e dritës së bardhë me anë të një prizmi.
2. Të shkruajë të renditura ngjyrat e spektrit të dritës së bardhë.
3. Të shpjegojë arsyen pse trupat duken me ngjyra të ndryshme.
4. Të hetojë përzierjen e ngjyrave duke u nisur nga tri ngjyrat bazë.
Fjalë kyç: spektër, shpërbërje, prizëm, ylber, përthithje, pasqyrim.
Mjetet: teksti i nxënësit, prizëm, fl etë letre, penela me ngjyra të ndryshme, elektrik dore,
letra me ngjyrë të kuqe, të gjelbër dhe blu.
Fazat e strukturës
Evokimi
Realizimi i kuptimit
Reflektimi
Metodat mësimore
shkrim i lirë
eksperiment, pyet sërish
punë e pavarur
Veprimtaritë e nxënësve
nxitja e diskutimit
të nxënit bashkëpunues
paraqitje me vizatim
Zhvillimi i mësimit
Evokimi:
Udhëzohen nxënësit që të shkruajnë një tekst imagjinar me titull “Bota pa ngjyra”. Lihen
rreth 5-7 minuta dhe lexohen disa prej shkrimeve të tyre. Kjo do të shërbejë si nxitje diskutimi,
për të gjetur arsyet se pse trupat i shohim me ngjyra të ndryshme.
Lexohet problemi në libër.
Realizimi i kuptimit:
Nëpërmjet kujt i shohim objektet në natyrë? (dritës dhe syrit)
Kur drita e diellit ose e llambave duket e bardhë, pse trupat i shohim me ngjyra të
ndryshme?
Kryhet eksperimenti me prizmin për zbërthimin e ngjyrës së bardhë. Nxënësit vëzhgojnë rezultatin.
Mësuesi sqaron se kjo quhet shpërbërje e dritës. Pra, drita e bardhë përbëhet nga ngjyra të ndryshme,
që quhen spektër i dritës. Këtë e ka zbuluar shkencëtari Isak Njuton, në vitin 1666.
A jeni në gjendje të shpjegoni pyetjen që bëmë në fi llim?
Lihen nxënësit të shprehin ç`mendojnë, por për të saktësuar njohuritë, duhet të lexojnë
pjesën e dytë të tekstit. Në çdo dyshe nxënësish, njëri lexon një pjesë të shkurtër me zë, që
ta dëgjojë shoku. Kur mbaron së lexuari pjesën, nxënësi që dëgjoi i bën pyetje shokut, i cili
duhet t’i japë përgjigje. Nëse ai nuk është dakord me përgjigjen, e diskutojnë së bashku. Për
vazhdimin e pjesës, nxënësit ndërrojnë rolet.
Për të kontrolluar përvetësimin e njohurive, mësuesi bën pyetjet:
Pse bluza jote duket e verdhë?
Çfarë ngjyrash thith fustani yt i gjelbër? (Të gjitha, përveç të gjelbrës.)
Pse në verë vishemi me rroba me ngjyra të çelëta?
Po fustani i zi, cilat ngjyra thith?
A ju kujtohet paneli diellor? Mund të shpjegoni tani përse bëhet me ngjyrë të zezë?
Pse shfaqet ylberi?
410
Reflektimi:
Nxënësit kryejnë eksperimentin 2 për të provuar të kundërtën. Nga bashkimi i shtatë ngjyrave
a formohet e bardha?
Punojnë në mënyrë të pavarur si te fi gura e tekstit. Në fund ata shohin rezultatin.
Komunikojnë me njëri-tjetrin për të diskutuar rezultatin. Nxënësit duhet të përdorin karton