gjuha 4.indd - Albas

Libër mësuesi për tekstin “Dituri natyre 4”
Mësimi 4.8
Tema: Vizitë në një vend ku rriten bletët
Objektivat: Në fund të ekskursionit nxënësi duhet të jetë i aftë:
1. Të përcaktojë vendet e vendosjes së zgjojeve të bletës.
2. Të dallojnë bletën punëtore nga mashkulli.
3. Të përshkruajë ciklin e zhvillimit të bletës.
4. Të dallojë vezët, larvat dhe pupat.
5. Të tregojë disa rregulla të rritjes së bletëve.
Fjalë kyç: zgjua, hoje, bletar, thumb, pupë, larvë, vezë, bletë punëtore, bletë mashkull,
mjaltë.
Forma e organizimit: ekskursion.
Vendi i zhvillimit: vendi më i afërt ku rriten bletët në zonën tuaj.
Zhvillimi i ekskursionit:
Përpara se të fi llojë ekskursioni njihen nxënësit me disa të dhëna paraprake rreth tyre.
Bletët jetojnë në shtëpiza të vogla të quajtura zgjua (koshere). Zgjoi ka brenda
pitet e dyllit me vrima të vogla ose hojet.
Bletët jetojnë në koloni, të përbëra nga dhjetëra mijë individë.
Një koloni ka vetëm një mbretëreshë për 30000 - 70000 bletë punëtore dhe disa
dhjetëra meshkuj.
Mbretëresha pjell rreth 1500 vezë në ditë. Ajo vret larvat që japin mbretëresha
të tjera.
Bletët punëtore kujdesen për pastrimin e hojëzave dhe për larvat. Jeta e tyre nuk
zgjat më shumë se 45 ditë.
Bletët punëtore grumbullojnë pjalmin dhe nektarin, duke prodhuar mjaltin.
Për të prodhuar një kg mjaltë, një blete i duhen 200 ditë, duke grumbulluar nektar
në 800 mijë lule.
Bletët meshkuj vriten nga bletët punëtore, sepse janë të paaftë të vetushqehen.
Ato nuk kanë thumb si bletët punëtore.
Zhvillohet ekskursioni sipas shpjegimeve të dhëna në tekst.
Pjesë e ekskursionit mund të jenë lojërat zbavitëse, pikniku etj.
422