gjuha 4.indd - Albas

të trashë, në mënyrë që të arrihet rrotullimi me shumë shpejtësi.
Nxënësit vlerësohen me notë.
Orën e dytë, nxënësit merren me përzierjen e ngjyrave për të krijuar ngjyra të tjera. Do të
punohet në dy mënyra.
1. Përzierja e ngjyrave të dritës.
Do të realizohet me elektrik dore, të mbështjellë me copa letre me ngjyrat bazë: e kuqe, e
gjelbër dhe blu. Drejtohen elektrikët nga muri, duke bërë kombinimet e ngjyrave.
e kuqe + e gjelbër = e verdhë
e kuqe + e kaltër = e bardhë
e gjelbër + blu = e kaltër
blu + e verdhë = e bardhë
e kuqe + blu = e purpurt (rozë)
e gjelbër + e purpurt = e bardhë
2. Përzierja e ngjyrave me penela.
Ngjyrat bazë janë: e purpurt, e verdhë dhe e kaltër. Këto mund të përzihen dhe të merren
ngjyra të tjera:
e purpurt + e verdhë = e kuqe
e kaltër + e purpurt = blu
e verdhë + e kaltër = e gjelbër
e purpurt + e kaltër + e verdhë = e zezë
Libër mësuesi për tekstin “Dituri natyre 4”
Detyrë shtëpie: Jepet Fletorja e punës, si dhe vizatimi i spektrit të dritës së bardhë.
Mësimi 3.21
Tema: Përsëritje
Objektivat: Në fund të orës së mësimit nxënësi duhet të jetë i aftë:
1. Të përshkruajë përhapjen e dritës në natyrë.
2. Të krahasojë burimet natyrore të dritës me ato artifi ciale.
3. Të shpjegojë formimin e hijes.
4. Të tregojë përbërjen e dritës së bardhë.
5. Të paraqesë spektrin e dritës me vizatim.
6. Të përcaktojë 4-5 përdorime të vetisë së refl ektimit dhe të përthyerjes së dritës.
7. Të argumentojë rëndësinë e dritës në jetën tonë.
Mjetet: teksti i nxënësit, tabak letre, lapsa, ngjyra.
Metodat e përdorura: kumbimi, punë e pavarur.
Nxënësve u është dhënë detyrë në shtëpi për të përsëritur mësimet e kësaj linje.
Punohet me teknikën e kumbimit për të kontrolluar njohuritë e nxënësve në lidhje me linjën “Drita”.
Ndahet klasa në grupe me nga gjashtë nxënës. Çdo grup do t’i përgjigjet gjashtë kërkesave, që
ndodhen në faqet e kubit. Këto kërkesa përfshijnë të gjitha nivelet e të nxënit. Brenda grupit nxënësit
ndajnë detyrat duke marrë nga një kërkesë secili. Në mes të tabakut shkruhet fjala DRITA, secili shkruan
pyetjen e tij dhe përgjigjen në pjesën e vet. Për arsye kohe, nxënësit punojnë njëkohësisht.
Kërkesat e shkruara në kub:
1. Përshkruaj përhapjen e dritës në natyrë.
2. Krahaso burimet natyrore të dritës me ato artifi ciale.
3. Shoqëro: Lidh formimin e hijes me vetitë e dritës.
4. Analizo: Nga përbëhet drita e bardhë, si provohet dhe paraqite spektrin me vizatim.
5. Zbato: Përse përdoret vetia e reflektimit dhe e përthyerjes së dritës?
6. Argumento: Pse është e domosdoshme drita?
Pasi mbarojnë punën, diskutohet çdo kërkesë me të gjitha grupet.
Punë e pavarur. Nxënësit plotësojnë tekstin. Kontrollohen punët e nxënësve.
411