gjuha 4.indd - Albas

Libër mësuesi për tekstin “Gjuha shqipe 4”
gryka e njeriut gryka e shishes gryka e malit
këmba e njeriut këmba e tavolinës këmba e krevatit
qafa e njeriut qafa e malit qafa e këmbës
krahu i njeriut krahu i rrugës krahu i aeroplanit, i zogut
Në ushtrimin 2, nxënësit nënvizojnë me të kuqe fjalët që janë me kuptim të fi gurshëm.
Më dhembte shumë koka.
Prindërit e mbanin në majë të kokës. (e përkëdhelnin shumë)
Koka e qengjit ishte e shijshme.
Djali e mjekoi këmbën në qendrën shëndetësore.
Këmba e karriges ishte thyer.
Ti je këmba e urës. (i prapë)
Ujku është kafshë grabitqare.
Burri kishte qenë ujk i vjetër. (i rrahur me jetën, me përvojë)
Djali është bërë qengj. (është urtësuar, është bërë i mbarë, i dëgjueshëm)
Nxënësit kontrollojnë punën me njëri-tjetrin. Lexohen fjalët e gjetura.
Në ushtrimin 3, nxënësit shkruajnë fjali ku fjalët faqe, dorë, vesh përdoren në kuptimin e parë dhe në
kuptimin e figurshëm.
Faqe: Faqet e vogëlushit ishin skuqur. Punimet ia ndryshuan faqen malit.
Dorë: Mira mbështeti kokën në duart e nënës. I jep gishtin, të merr dorën.
Vesh. Në vesh i gumëzhinin zhurma të çuditshme. Vëru veshin mësimeve! - i thoshte mamaja Erës.
Nxënësit lexojnë fjalitë e formuara.
3. Reflektimi: Punë e pavarur.
Punimi i ushtrimeve të Fletores së punës, faqe 36.
Mësuesi/ja i ndan nxënësit sipas vështirësisë së ushtrimeve.
Detyrë shtëpie. Formoni gjashtë fjali me fjalët: sy, dhëmb, lepur ku fjalët të përdoren në kuptimin e parë
dhe në kuptimin e fi gurshëm.
Rubrika:
Tema:
Lexojmë
Është fat të kesh një shoqe si Fatbardha
Objektivat: Në fund të orës së mësimit nxënësi të jetë i aftë:
• Të plotësojë fjalitë e dhëna duke u bazuar në dëgjimin e tregimit.
• Të përzgjedhë alternativat e sakta, duke i ilustruar me leximin e pjesëve të tregimit.
• Të nxjerrë mesazhin e tregimit, duke u bazuar në veprimin e Eneidës.
• Të diskutojë për vlerat e miqësisë midis fëmijëve.
Mjetet:
Fjalë kyç:
Metodologjia:
Teksti i nxënësit, tregime të ngjashme të marra nga revista për fëmijë.
Fat, shoqe, revistë, miqësi.
Përzgjidh-argumento, veprimtaria e mendimit të drejtuar, të nxënit në bashkëpunim,
shkrim argumentues.
72
Zhvillimi i mësimit
1. Evokimi: Përzgjidh-argumento.
Mësuesi/ja paraqet në tabelë disa cilësi të një personi.
i zgjuar, i dashur, i këndshëm, i zeshkët, sytë jeshil, fl okët e verdha, mik i vërtetë.