gjuha 4.indd - Albas

Libër mësuesi për tekstin “Dituri natyre 4”
Mësimi 1.25
Fazat e strukturës
Evokimi
Realizimi i kuptimit
Reflektimi
Tema: Uji në natyrë
Objektivat: Në fund të orës së mësimit nxënësi duhet të jetë i aftë:
1. Të përshkruajë me fjalë qarkullimin e ujit në natyrë.
2. Të tregojë faktorët, që marrin pjesë në qarkullimin e ujit.
3. Të paraqesë me skemë qarkullimin e ujit në natyrë.
Fjalë kyç: qarkullim, planeti blu, shndërrim, avuj uji.
Mjetet: Teksti i nxënësit, fletore, fletë formati, lapsa, ngjyra, tregimi “Historia e një pike uji”.
Metodat mësimore
veprimtari me dëgjim - mendim të drejtuar
lexim i koduar i tekstit
skemë, turi i galerisë
Veprimtaritë e nxënësve
nxitje diskutimi
të lexuarit ndërveprues
paraqitja grafi ke e informacionit
Zhvillimi i mësimit
Evokimi:
Mësuesi lexon tekstin me titull: “Historia e një pike uji”. Pas çdo ndalese, nxënësit
parashikojnë tregimin.
Ishte një ditë e bukur vere. Dielli ngrohte tokën, malet, ujin e bashkë me to, dhe pikëzën e
ujit në det.
-Oh, sa mirë qenka! -mendoi me vete ajo.
Por, pasi u nxeh shumë, ajo u shkëput prej prindërve…
Ndalesa e parë:
Ku mendoni se shkoi ajo? Pse u largua? Vetëm iku pikëza e ujit?
Tani ndihej e lehtë pupël. Ngjitej lart drejt qiellit duke fl uturuar. Me të u bashkuan edhe
shoqet e tjera. Për një çast pikëza fi lloi të qante…
Ndalesa e dytë:
Pse fi lloi të qante? Ku do të shkojë ajo? Pse mendoni kështu?
- Po dridhem nga të ftohtët, nuk kam as mamin, as babin. Sa shumë shoqe paska!
Pikëza u bashkua me të tjerat. Era fi lloi t’i shtynte tutje. Gjatë rrugës ndodhi çudia…
Ndalesa e tretë:
Cila është çudia? Ku po e shtynte era?
Shoqet u ngjeshën aq shumë me të, saqë u rënduan dhe s’mund të qëndronin më në ajër.
- Ej, kujdes se më shtypët, nuk po marr dot frymë !-bërtiste ajo.
Ashtu siç ishin grumbull ranë së bashku nga lartësia mbi një lumë…
Ndalesa e katërt:
Si ndihet tani pika e ujit? Ku do të shkojë ajo? Në ç’mënyrë?
Pikëza tani ndihej më mirë. Duke notuar mbi lumë, pa shumë shoqe të tjera të detit. Ato e
ndihmuan të gjente familjen e saj. Më në fund, pikëza u kthye në shtëpi.
Ndalesa e fundit:
Cila ishte shtëpia? Me kë u ngjan ky udhëtim?
Realizimi i kuptimit:
Hapet libri dhe lexohet problemi. Vëzhgohen fi gurat për përqindjen e ujit te gjallesat dhe
në tokë.
Përshkruhet me fjalë qarkullimi i ujit në natyrë, duke përdorur skemën e librit.
Nxënësit do të lexojnë tekstin në mënyrë individuale, duke shënuar disa shenja në të.
364