gjuha 4.indd - Albas

Mësuesja i udhëzon nxënësit t’i shkruajnë në një fletë këto cilësi. Më pas, të qarkojnë cilësitë që ato mendojnë
se janë më të rëndësishme për një njeri, që të jetë shok i mirë. Nxënësit lexojnë cilësitë që kanë qarkuar. Ata
duhet të arrijnë në përfundimin:
Cilësitë e karakterit janë më të rëndësishme se pamja e jashtme.
2. Realizimi i kuptimit: Veprimtaria e mendimit të drejtuar, të nxënit bashkëpunues.
Prezantohet titulli i tregimit nga mësuesi/ja. Nxënësit udhëzohen të dëgjojnë leximin e tekstit.
Pasi lexohet teksti, nxënësit plotësojnë rubrikën Dëgjojmë.
Në këtë rubrikë, nxënësit plotësojnë shprehjet ose fjalitë pas leximit të parë, më pas kontrollojnë veten me
pjesën e tregimit.
Klasa ndahet në pesë grupe.
Grupi I. Paraqitni shkurtimisht ngjarjen duke përdorur organizuesin grafi k për strukturën e tregimit: hyrja,
zhvillimi, mbyllja.
Grupi II. Pse prindërit nuk i linin fëmijët të shoqëroheshin me fëmijë rom?
Grupi III. Për të pasur një shok ose shoqe të mirë, çfarë është e rëndësishme?
Grupi IV. Lexoni me zë të lartë paragrafi n e fundit të letrës.
Pse Eneida ia ka dërguar këtë letër revistës:
Për t’i bërë qejfi n Fatbardhës?
Për të treguar se di të shkruajë bukur?
Për t’u dhënë një mesazh bashkëmoshatarëve të saj?
Nxënësit përzgjedhin dhe japin argumentet e përzgjedhjes.
Grupi V. Cili është mesazhi që Eneida u përcjell bashkëmoshatarëve?
Përfaqësuesit e grupeve prezantojnë punët e grupeve dhe vlerësohen nga njëri-tjetri.
Libër mësuesi për tekstin “Gjuha shqipe 4”
3. Reflektimi: Shkrim argumentues.
Mësuesi/ja shtron para nxënësve të argumentojnë një situatë, si p.sh.:
Eneida mendon se është me fat që ka një shoqe si Fatbardha.
Po ti, a je me fat që ke një shok/shoqe si___________________? Argumentoje.
Nxënësit punojnë për pesë minuta, më pas lexojnë punët e tyre.
Detyrë shtëpie. Lexoni tregimin dhe dalloni hyrjen, zhvillimin dhe mbylljen.
Mund të gjejnë edhe temën dhe idenë e tregimit.
Rubrika:
Tema:
Shkruajmë
Letër revistës
Objektivat: Në fund të orës së mësimit nxënësi të jetë i aftë:
• Të dallojë elementet ndihmues për shkrimin e një letre drejtuar revistës, duke u bazuar në modelin e tregimit
“Është fat të kesh një shoqe si Fatbardha”.
• Të shkruajë një letër për një revistë, jo më pak se gjashtë fjali, duke respektuar hapat e dhënë.
• Të shkruajë duke respektuar rregullat e drejtshkrimit.
Mjetet:
Fjalë kyç:
Metodologjia:
Teksti i nxënësit, revista për fëmijë, adresa të revistave për fëmijë, letër, zarf.
Revistë, letër, adresë, ngjarje.
Lexim zinxhir, shkrim i drejtuar, shkrim i lirë.
Zhvillimi i mësimit
1. Evokimi: Lexim zinxhir.
Lexim i tregimit nga nxënësit sipas paragrafëve ose zinxhir.
73