gjuha 4.indd - Albas

Libër mësuesi për tekstin “Dituri natyre 4”
Fazat e strukturës
Evokimi
Realizimi i kuptimit
Reflektimi
Metodat mësimore
lojë me role
shpjegim, organizues grafi k
pyetje-përgjigje
Veprimtaritë e nxënësve
zhvillim fjalori
ndërtimi i njohurive studimore
nxitje për t`u shprehur saktë
Zhvillimi i mësimit
Evokimi:
Cili nga ju ka dëshirë të bëhet gazetar?
Sot, do të ftosh në studio një punonjës të shërbimit meteorologjik, i cili do të bëjë parashikimin
e motit. Gazetari fton nxënësin tjetër. Ai bën parashikimin e motit, duke e lexuar në gazetë ose
nga mendja. Nuk frenohen nxënësit në përdorimin e fjalorit. Loja mund të bëhet me disa grupe.
Kjo që bëtë ju ishte një lojë, por sot, ju do të parashikoni me të vërtetë motin. Si do ta bëni këtë?
Realizimi i kuptimit:
Nxënësit hapin librat. Shpjegohet fjala mot dhe bëhet dallimi me klimën.
Moti: Si është koha gjatë ditës, me diell, shi, ftohtë, me vranësira etj.
Klima: Tërësia e kushteve meteorologjike (sjellja e motit), për një periudhë të gjatë kohe
dhe e përsëritur në një zonë të madhe.
Nxënësit përshkruajnë në grup motin e ditës së djeshme. Një nga punët e tyre shkruhet
në tabelë. Nxiten nxënësit, që të nxjerrin nga ky përshkrim faktorët me të cilët lidhet moti. Një
nxënës i shkruan ato në tabelë.
reshjet
temperatura
moti
era
retë
shtypja atmosferike
Nxënësit shohin nga dritarja retë dhe duke u ndihmuar edhe nga teksti plotësohet tabela:
Retë
Përbërja Forma Sipas lartësisë E shiut E motit të mirë
Avuj uji Shtresore, Të ulëta Të errëta Të bardha
grumbullore Të larta Të dendura Të larta
(si pambuk). Mesatare Të ulëta Tufa –tufa
Të fryra
Përcaktohet fjala meteorologji dhe stacion meteorologjik. Mund të përdoren foto nga interneti
që kanë nxënësit.
Reflektimi:
Nxënësit do parashikojnë motin duke parë hartën, në të cilën tregohet shtypja, duke parë
fi gurat dhe pyetjet e rubrikës “Aktivizohu dhe përgjigju”.
Në fund, u tregohet nxënësve modeli i ndërtimit të kalendarit për motin e muajit, mënyra
e mbajtjes së shënimeve për çdo ditë. Këshillohet të përdorin shenjat e tabelës së librit, pra,
diellin për mot të mirë, retë për mot të vrenjtur etj. Kalendari mund të punohet në fl etore ose
në fl eta të trasha formati.
Nxënësit vlerësohen me notë.
Detyrë shtëpie: Fletorja e punës dhe mbajtja shënim e motit të çdo dite.
362