gjuha 4.indd - Albas

Zhvillimi i mësimit
Evokimi:
U drejtohen nxënësve këto pyetje:
1. Ç’është energjia?
2. Ç’ndodh me energjinë në natyrë?
3. Si i ndajmë burimet e energjisë në natyrë?
4. Cilat janë burimet ripërtëritëse?
5. Pse quhen të tilla?
6. A bën pjesë nafta në këtë grup?
7. Mendoni se burimet e paripërtërishme duhet të përdoren më shumë? Pse?
8. Deri tani ju keni mësuar se: energjia elektrike prodhohet nga ____________________
Sot, do të mësojmë, se ajo mund të prodhohet edhe nga nafta, gazi natyror dhe qymyri.
Libër mësuesi për tekstin “Dituri natyre 4”
Realizimi i kuptimit:
Hapet libri dhe shikohet fi gura e termocentralit. Shpjegohet fjala termocentral, nga termo,
që do të thotë nxehtësi, nga lënda djegëse; dhe central, që do të thotë energji elektrike.
Nxënësit lexojnë në mënyrë individuale tekstin. Ata duhet të përshkruajnë mënyrën e
prodhimit të energjisë në termocentral. Megjithëse, materiali në tekst është i shkurtër, nxënësve
u tregohet se kjo mënyrë është e ngjashme me centralet e tjera elektrike. Dallimi është në
mënyrën e krijimit të avullit.
Nxënësit i mbajnë shënim fjalitë në formën shkak-pasojë.
qymyri, nafta dhe gazi digjen uji kur ngrohet krijon avull avulli vë në lëvizje
duke ngrohur ujin në kaldajë
Nxënësit përcaktojnë pasojat negative të përdorimit të termocentraleve: lëndët fosile, që
përdor ai shterin, ndot mjedisin, e si pasojë sjell shiun acid dhe ngrohjen e planetit etj.
Nxënësit lexojnë kuriozitetet për termocentralet, si dhe përdorimin e tij në Shqipëri.
Pesëvargësh për termocentralin.
termocentrali
i madh ndotës
djeg
ngroh
prodhon energji elektrike
central elektrik
Reflektimi:
Nxënësit punojnë në grupe, duke shkruar proceset e punës (shndërrimet e energjisë), që
kryhen në një central elektrik. Llojin e centralit ia cakton mësuesja, nga një për çdo grup, pa
e marrë vesh grupi tjetër.
Fjalitë shkruhen në skeda letre. Pasi mbaron punën grupi, ia jep skedat e ngatërruara, dhe
pa emërtimin e centralit, një grupi tjetër. Ai do t’i rendisë mbi bankë ose t’i ngjitë në fl etë formati,
dhe do të emërtojë llojin e centralit. Centralet për të cilat do shkruajnë janë këto:
Hidrocentralet, centrali diellor, centrali i erës, centrali gjeotermik dhe termocentrali.
Për saktësinë e punës vendosin grupet përkatëse, që shkruan në fi llim procesin e përftimit
të energjisë.
Vlerësohen nxënësit me notë për mënyrën e pjesëmarrjes në punën në grup, dhënien e
ideve të dobishme, përshkrimin e përftimit të energjisë etj.
Detyrë shtëpie: Jepet Fletorja e punës.
395