gjuha 4.indd - Albas

Mësimi 3.10
Lexohet rubrika “Unë zbulova se”.
Punë e pavarur: Nxënësit plotësojnë rubrikën “Aktivizohu dhe përgjigju”.
Vlerësohen nxënësit për mënyrën e kryerjes së eksperimenteve dhe nxjerrjes së
përfundimeve.
Detyrë shtëpie: Jepet Fletorja e punës.
Tema: Qarku elektrik
Objektivat: Në fund të orës së mësimit nxënësi duhet të jetë i aftë:
1. Të përcaktojë katër përbërësit e domosdoshëm të një qarku elektrik.
2. Të demonstrojë lidhjen e një qarku të thjeshtë elektrik.
3. Të shpjegojë simbolet e skemës së qarkut.
4. Të bëjë dallimin qark i hapur dhe qark i mbyllur.
Libër mësuesi për tekstin “Dituri natyre 4”
Fjalë kyç: qark elektrik, bateri, pilë, burim rryme, përcjellës, shpenzues, ndërprerës.
Mjetet: teksti i nxënësit, fletore e diturisë, bateri të llojeve të ndryshme, tela përcjellës,
llambë, çelës elektrik.
Metodat mësimore: lexim, vëzhgim, ndërtim, eksperimentim.
Hapi i parë
Hapet libri dhe lexohet problemi. Diskutohet rreth figurave të tekstit. Nxënësve u shpjegohet
ndërtimi dhe përdorimi i baterive, që quhen ndryshe edhe pila. Mund të tregohet edhe për
ndotjen, që i shkaktojnë ato mjedisit, kur mbarojnë energjinë, prandaj duhet të ripërpunohen.
Hapi i dytë
Duhet të përcaktohen elementet e një qarku dhe si funksionon ai, por kjo nuk u shpjegohet
nxënësve. Ata i marrin njohuritë duke lexuar tekstin në mënyrë individuale. Më pas, mësuesi
saktëson duke i shkruar në tabelë elementet e qarkut.
Hapi i tretë
Nxënësit ndërtojnë një qark të mbyllur elektrik me mjetet e tyre. Veprimtaria kryhet në çift
ose individualisht. Bëhet paraqitja me skemë nga mësuesi dhe lidhja midis simboleve të skemës
dhe elementeve të vërtetë të qarkut.
simbolet
shpenzuesi (llamba) burimi i rrymës (bateria) ndërprerësi (çelësi)
Hapi i katërt
Punohet rubrika “Aktivizohu dhe përgjigju”. Për t’i dhënë përgjigje çdo pike të kësaj rubrike,
nxënësit do t’i provojnë konkretisht në qarkun e tyre elektrik. Përgjigjet e rubrikës janë:
Llamba do të ndriçojë në rastin e katërt dhe të gjashtë (numërimi fi llon nga e majta
horizontalisht).
Tregohet kur kemi qark të hapur dhe qark të mbyllur dhe bëhet ndryshimi midis tyre.
Hapi i pestë
Punë e pavarur: Vizatohet skema e një qarku të thjeshtë elektrik dhe emërtohen pjesët e tij.
Vlerësohen nxënësit me notë për ndërtimin dhe emërtimin e pjesëve të qarkut elektrik.
Detyrë shtëpie: Jepet Fletorja e punës.
397