gjuha 4.indd - Albas

Zhvillimi i mësimit
Evokimi:
Udhëzohen nxënësit që të mbyllin sytë dhe të imagjinojnë një situatë në familje kur ikin
dritat. Imagjinata e tyre drejtohet nga mësuesi, i cili lexon ngadalë fjalitë e mëposhtme:
Është mbrëmje. Jeni duke parë televizor. Vëllai po mëson, ndërsa mami gatuan darkën.
Në këtë moment ikin dritat. Ju mërziteni, se nuk patë dot fi lmin. Vëllai kërkon ndriçuesin, që
të lexojë. Pas pak është koha për të ngrënë, por darka nuk është gati…
Nxënësit hapin sytë dhe shkëmbejnë me njëri-tjetrin emocionet që provuan.
Realizimi i kuptimit:
Nxënësit punojnë në grupe për të komentuar fi gurat e pjesës së parë të tekstit. Qëllimi
është të tregojnë rëndësinë që ka përdorimi i energjisë elektrike në familje. Duhet të pranohet
edhe ndonjë ide ndryshe, si p.sh.: shtëpia mund të pastrohet edhe me fshesë të zakonshme,
kështu kursejmë energjinë.
Nxënësve u shpjegohet rreziku nga elektriciteti. Vëzhgohen me kujdes fi gurat dhe nxirret
nga një rregull për secilin prej tyre.
Bëhet një bisedë për rëndësinë e kursimit të energjisë. Nxënësit sjellin shembuj të kursimit
nga familjet e tyre. Bëhet dallimi midis përdorimit dhe kursimit të energjisë. Plotësohet tabela
bashkë me nxënësit.
Libër mësuesi për tekstin “Dituri natyre 4”
Përdorimi i energjisë elektrike
1. Makina larëse lan rrobat.
2. Llamba na ndihmon të shikojmë, lexojmë etj.
3. Frigoriferi ftoh ushqimet.
Kursimi i energjisë elektrike
1. Mos e përdor makinën larëse me pak rroba.
2. Llamba duhet fi kur kur nuk jemi në dhomë. Duhet
të përdoren llamba që harxhojnë më pak.
3. Nuk duhet lënë hapur dera e frigoriferit.
Lexohen kuriozitetet që kanë sjellë nxënësit për pajisjet elektro-shtëpiake.
Reflektimi:
Nxënësit paraqesin në një poster këshillat për mbrojtjen nga elektriciteti. Punët e tyre
vendosen në mur. Ata vlerësojnë njëri-tjetrin.
Vlerësohen nxënësit me notë.
Detyrë shtëpie: Jepet Fletorja e punës.
Material shtesë për mësuesin:
Makinat e para për larjen e rrobave janë përdorur në vitin 1900, por, ato nuk kishin motor. Larja
bëhej duke rrotulluar me dorë një cilindër.
Fshesa e parë elektrike u shpik në vitin 1904. Në fi llim ato u shitën në SHBA.
Më 1890, u shpik frigoriferi i parë për ta mbajtur ushqimin të ftohtë. Më vonë, rreth vitit 1910,
frigoriferi përdorej edhe për ngrirjen e ushqimit.
Ajri i kondicionuar është përdorur për herë të parë në SHBA, më 1911.
401