Revista (PDF) - Universidade do Minho

108
Antes de Nós, sem nós
DIACRÍTICA
Ora, devemos começar por matizar: a ligaçom de galeguismo e
europeísmo, habitualmente atribuída às gentes de Nós, nom é, na
verdade, algo novo; senom que é patente ja, bem que com outras
formas, no «regionalismo», o galeguismo do século XIX. Para apontálo,
basta lembrar um texto capital, no movimento regionalista e na literatura
galega, o livro Queixumes dos pinos (1886) de E. Pondal 3 ,
ele mesmo figura emblemática do regionalismo. Significativamente,
é o autor do «hino galego», que escreveu em 1890 4 e foi como tal
adoptado polo povo, tornando-se em 1984 o oficial da nossa actual
Comunidade Autónoma.
Sinteticamente, podemos dizer que em Queixumes dos pinos Europa,
além de Espanha e Portugal, está presente como umha referéncia
geo-histórica, representada metonimicamente, por algumhas das suas
partes, eminentemente polas terras e as gentes de Irlanda e Grécia e
ainda, em menor medida, Zernagora. Em numerosos poemas, Galiza
é analogada, comparada e confrontada, com as feiçons, os fastos e os
fados de Irlanda e Grécia, e nalguns muito significativos, como o que
cerra o livro, tamém com Zernagora 5 .
Nestas analogias, o assunto central é a passage, em termos políticos,
de «objecto» a «sujeito», ou seja, o movimento emancipatório em
que é atingida umha libertaçom persoal e colectiva, como indivíduos
cidadáns e como povo soberano. No caso de Galiza, como nas luitas de
Irlanda ou na ja emancipada Grécia, trataria-se, pois, de deixar de ser
«ilotas, escravos, servos», como diria Pondal 6 , para tornar-se naçom
——————————
«regionalismo» e «nacionalismo» galegos. Para umha exposiçom sumária, pode ver-se
o nosso trabalho: L. G. Soto, «A Galiza e o galeguismo: autoconsciéncia e autodeterminaçom»,
in Nova Renascença, n.º 72/73 Inverno/Primavera de 1999, Fundação Eng.
António de Almeida, Porto, 2001, pp. 59-82.
3 Eduardo Pondal, Queixumes dos pinos, Latorre y Martínez Editores, A Corunha,
1886. Citarei pola ediçom facsimilar: La Voz de Galicia, A Corunha, 1979. Existe umha
recomendável versom portuguesa: Queixumes dos pinheiros e Outros poemas, Cadernos
do Povo, Pontevedra/Braga, 1996. Nom nos parece acertada a substituiçom de «pinos»
por «pinheiros» (e outras vezes, «pinhos»), à vista da justificaçom do editor literário,
A. Brea (p. 121), cuja versom portuguesa estimamos em geral excelente.
4 Está recolhido em Queixumes dos pinheiros e Outros poemas, pp. 111-113.
5 Carballo, na sua Historia da literatura galega contemporánea (Galaxia, Vigo,
1981, 3.ª ed., p. 262), estabelece esta tripla ligaçom. Zernagora, segundo ele informa, é
Crna Gora, o actual Montenegro, em Iugoslávia.
6 Nomeadamente, em Queixumes dos pinos, nos poemas que fam o n.º 78 (p. 189)
e o n.º 91 (pp. 223-224).