Revista (PDF) - Universidade do Minho

JUSTIÇA DOMÉSTICA E JUSTIÇA POLÍTICA 237
passava co escravo e passará co neno, segundo vemos no cap. 13: nos
tres «existem as partes da alma», mas em cada «existem diferentemente»,
pois, «o escravo nom tem em absoluto faculdade deliberativa»,
mentres que «a fémea a tem, mas sem autoridade» e «o neno tamém a
tem, mas imperfeita» (1260a11-14). E, prossegue, outro tanto sucede
«coas virtudes éticas» (1260a14-15): dum lado, «o que rege deve possuir
a virtude ética perfeita» (1260a17-18); mentres, de outro lado,
«cada um dos demais – ou seja, a mulher, o escravo e o neno – deverám
te-la segundo lhes corresponde» (1260a19-20) e «conforme à
sua funçom» (1260a16-17). Como o escravo e o neno, a mulher tem as
suas virtudes próprias: basicamente, as mesmas do home, designadamente
aqui a temperança e a fortaleza e a justiça, mas, mentres que
a virtude dele é «para governar», a dela é «para obedecer», segundo
é apontado aqui, no cap. 13 (1260a23), e despois é reiterado, em III/4
(1277b20-25).
Curiosamente, Aristóteles contempla – até mesmo recomenda em
VII/10 que, na escravitude, sempre se contemple (1330a31-33) – a existéncia
da possibilidade de que o escravo se emancipe e, por outra
parte, para sacar o neno da sua minoria, ou «imperfeiçom», salienta a
importáncia da educaçom e insiste na necessidade dumha «política
educativa». Em algumhas das chamadas de atençom que, na linha da
Étc.Nic. fai na Pol., parece contar coas mulheres como «educandas»:
nomeadamente, em I/13 (1260b15-20). Deveria ser assi, ja que, na sua
opiniom, a educaçom «pretende suprir as deficiéncias naturais»
(1337a2-3). Sem embargo, quando se achega à educaçom em pormenor,
em VII/17 e em VIII/1-7, Aristóteles practicamente se esquece da
mulher. Mesmo, aparentemente, quando se trata de ensinanças que
lhe concernem directamente, como as disciplinas que incidem na
«administraçom doméstica» (1338a16), quer dizer, no que pretendidamente
ha ser a sua vida. Em resumo, a diferença do neno e o
jovem, ela nom receberá quase educaçom.
Sem dúvida, isto choca frontalmente coa sua aptitude para a
amizade, incluída a mais perfeita, apontada na Étc.Nic.; mas, por
outra parte, pom-nos na pista do carácter «procurado» do desequilíbrio
«introduzido» na relaçom home-mulher. Em síntese, ela chega ao
matrimónio com menos idade e com menos formaçom que o seu
parceiro. Por umha parte, ela chega com menos idade: cousa que tem
que ver nom só coa capacidade para a procriaçom, veja-se aqui VII/16
(1334b32-38, 1335a22-24 e 28-32), senom tamém coa aptitude para
a direcçom, veja-se agora I/12 (1259b1-4). E por outra parte, ela
chega tamém com menos (por nom dizer, sem quase) formaçom, tendo