Revista (PDF) - Universidade do Minho

118
DIACRÍTICA
sobre a vida social toda desde a economia até a cultura, acarretam uns
efeitos bem lesivos, e tendencialmente letais, para os interesses, e até a
mesma existéncia, económicos, sociais e culturais galegos. Pola
contra, se estas travas desaparecessem, Galiza poderia tirar do seu
mesmo atraso, aproveitando as suas inusadas, malusadas e desusadas
potencialidades naturais, um desenvolvimento económico integral,
que hoje chamaríamos ecológico, aproximando-se do que na altura é
Dinamarca, o modelo que Castelao reiteradamente lhe assinala 44 .
Mentres tanto, além disso, nessa situaçom de «dependéncia» intra-
-estatal, e propriamente de subsisténcia infra-estatal, Galiza fica arredada
de Europa. Mas, se olhamos para atrás, veremos que no passado
si mantivo umha comunicaçom fluída e rica a través do caminho de
Santiago 45 . Ora, nom podemos esquecer que Galiza, como bem lembra
Castelao, foi entom um reino independente, e practicamente seguiu
de facto sendo-o até a chegada dos Reis Católicos, sem ter a Castela
entom – como a Espanha agora – interposta no caminho de Europa 46 .
Em consecuéncia, se pensamos no futuro e imaginamos um novo
caminho de Santiago, como é apontado em Sempre en Galiza, este ham
ser novas estradas e comboios directos à «fronteira pirenaica» 47 . Estas
infraestruturas viárias, junto com os portos, deverám constituir a
nossa ligaçom – ou seja, a de Galiza e os galegos – com Europa e o
mundo 48 . Ora bem, esta transformaçom só pode ser a obra dum povo
livre, agindo num quadro geral de liberdade. Por outras palavras, esta
mudança, a re-ubicaçom de Galiza em Europa, supom e arrasta umha
outra mudança: a modificaçom da posiçom de Galiza em Espanha.
Em definitivo, desde esta perspectiva galeguista, Europa e Espanha
som cenários semelhantes, em que cumpre desenvolver projectos
políticos análogos, em quanto aos seus contidos, e concatenados, em
quanto aos seus efeitos 49 .
——————————
44 O modelo de Dinamarca é reiteradamente assinalado: Sempre en Galiza,
pp. 45-47, p. 130, p. 416. Tamém som, de passage, apontados alguns outros, como
Holanda.
45 Por exemplo, Sempre en Galiza, p. 224, p. 269, p. 376.
46 «[…] o noso camiño estaba dentro da Hespaña e ligado â Europa. Ese era, nefeito,
o camiño que viña cara nós dende Europa e que Hespaña desviou, obrigándonos
a seguila» (Sempre en Galiza, p. 224).
47 Quer dizer: «unha nova vía de europeización, un novo camiño francés» (Sempre
en Galiza, p. 418).
48 Segundo ele, Galiza será «un peirán de Europa, unha antena do mundo»
(Sempre en Galiza, p. 253).
49 O próprio Castelao propom essa equiparaçom (dos cenários) e essa concatenaçom
(das acçons). Respectivamente, podem ver-se em: Sempre en Galiza, p. 302 e
p. 325. Ambas questons som tamém tratadas em conjunto: Sempre en Galiza, pp. 213-218.