Revista (PDF) - Universidade do Minho

110
lares, Espanha e Portugal. Na perspectiva de Pondal, pois, a autonomizaçom
de Galiza nom só nom deverá reportar a desintegraçom
espanhola senom que, bem ao contrário, deveria propiciar a congregaçom
ibérica. Dizemos na «perspectiva de Pondal», porque todo
isto nom som, ao cabo, senom cousas ditas polos «pinheiros», uns
seus «queixumes», que o poeta recolhe e assume na sua própria e
persoal voz 11 .
Em resumo, o que de Europa aparece, neste livro de versos 12 , som
umhas suas marges (Irlanda, Grécia, Zernagora) e raízes (as celtas, as
helenas). Com estes marcos e laços é tecida umha rede (europea), em
que se situa Galiza, vinculando-se outrora e agora aquém e além de
si própria, e som oferecidas umhas referéncias (europeas) apropriadas
para fazer germinar nos galegos, sob o signo da democracia, um
projecto emancipatório, o autonomismo entom chamado regionalismo,
com vocaçom e projecçom iberistas, superador da clausura estatal
de Espanha e Portugal. É mais, andando o tempo, este iberismo devirá,
na tradiçom galeguista, germolo de europeísmo.
De Nós a nós
DIACRÍTICA
Procurando a voz desse «nós», que som Galiza e os galegos constituídos
como sujeitos, é hora de voltarmos, outra vez, ao grupo Nós,
onde ja de partida achamos a voz dum sujeito colectivo, nisto ja
diferente do «eu» que, ainda que solidário, solitário, ao cabo sustentava,
articulando-os e propagando-os, os «queixumes» exalados polos
——————————
11 Significativamente, no poema com que conclui o livro, falando dos pinheiros, o
nosso poeta di: «Eu ben sei o que din vosos vagos, / Monótonos ritmos. // Os vosos
agudos, / Arpados arumes, / D’un poema as ardentes estrófas, / Parece que zumben»
(Queixumes dos pinos, p. 223).
12 Com esta nossa leitura célere e tangencial, corremos o risco de aliciar umha
image do autor e a obra, sobre cuja falsidade queremos alertar. Assi, Pondal poderia
parecer o que Barthes chamava um écrivant, un escrebente, antes que um écrivain, um
escritor (R. Barthes, «Écrivains et écrivants», in Essais critiques, Seuil, Paris, 1964,
pp. 147-154). E, prolongando o equívoco, o seu livro Queixumes dos pinos seria classificado
dentro da (aliás, ao nosso ver, mal entendida) literatura engagée (por dizé-lo com
a expressom popularizada por Sartre), quer dizer, a flamígera, e flamigerada, literatura
comprometida. Rejeitamos, claro está, semelhante comprensom da figura do nosso
poeta e, assimesmo, do teor da sua escrita. Sobre ambos os pontos, lembramos a nossa
achega: L. G. Soto, «L’inachèvement éthique chez Pondal», in op. cit., n.º 12 printemps
1999, P. U.P., Pau, 1999, pp. 81-89.