Revista (PDF) - Universidade do Minho

112
das culturas portuguesa 18 e italiana. E, por outra parte, a cultura espanhola,
fazendo algumha excepçom, é em geral rejeitada 19 .
Tras nós
DIACRÍTICA
O próprio Risco, à hora de explicar a conversom dos «individualistas»
que eles eram em «nacionalistas galegos», remete para o
romance de Pedrayo Arredor de si, publicado em 1930 20 . Ora, neste
romance, e na evoluçom e mudança que experimenta o seu protagonista,
joga um papel muito importante a cultura europea 21 .
Em Arredor de si, Pedrayo conta as peripécias, num momento decisivo
da sua vida, de Adrián Solovio, um herdeiro camponés que possui
um pequeno paço numha aldea nas proximidades de Ourense e é aspirante
a professor de filosofia de liceu. Despois de ter cursado os seus
estudos universitários em Madrid, ele regressara ao paço familiar onde
levou umha vida vagarosa de leitura (muita) e meditaçom (pouca) 22 ,
e agora na primavera de 1928, bem passados ja os seus trinta anos,
volve a Madrid, para preparar e realizar as provas necessárias para
obter o posto de professor de ensino secundário. Adrián, que nom
chegará a realizar, nem mesmo preparar, esses exames, permanecerá
em Madrid, desde onde fará um par de curtas viages, umha a Burgos
e outra a Toledo, até junho, em que visita a aldea ourensana devido à
grave enfermidade e iminente falecimento dum seu tio, crego «crip-
——————————
18 Da cultura portuguesa, Risco cita: Eça e Ramalho, para caracterizar o seu
próprio grupo como «os auténticos vencidos da vida. Moito mais vencidos do que Eça
e que Ramalho» (Nós, p. 115); e despois, entre as suas leituras, «Eça de Queiroz, Lopes
Vieira, e principalmente Eugenio de Castro» (Nós, p. 116).
19 Risco rechaza explicitamente o espanholismo (e o castelanismo), sob a forma
de «patriotismo» e «casticismo» (Nós, p. 118), e até o espanhol e castelám: «Non
sentiamo-lo hespañol, e se a respeito da Europa eramos orientalistas, respeito da
Hespaña eramos europeistas. E cand’outros escritores modernistas, que nós coidabamos
que dicían conosco, emprincipiaron os cantos a Castela e â vella España, foron por nós
condanados ao esquecemento e ao disprecio» (Nós, p. 119).
20 Ramón Otero Pedrayo, Arredor de si, Nós, A Corunha, 1930. Publicado por
Galaxia, desde a 2.ª (Vigo, 1970), atingiu em 1998 a 10.ª ediçom. Citaremos pola original.
21 Mais polo miúdo, trato o tema em «Arredor de si ao fio de Europa», in J. L.
Barreiro & L. G. Soto (eds.), Europa: mito e razón, Universidade de Santiago de Compostela,
Santiago, 2001, pp. 89-110.
22 «Algunha ves quixo vivir n’ela [na aldea] c’o esprito posto na Europa. Libros.
Revistas. Fôra, indefrente a tod’a novidade do artigo ou do libro, debruzábase un longo
sôlpor d’outoniza» (Arredor de si, p. 12).