Revista (PDF) - Universidade do Minho

NÓS E A EUROPA 117
Desde nós, com nós
Dentro da obra de Castelao, Sempre en Galiza, composto de quatro
livros escritos entre 1935 e 1947 e publicados em forma completa e
definitiva em Buenos Aires em 1961 41 , contém a crónica da transformaçom
de Galiza num sujeito jurídico-político 42 , com o seu estatuto de
autonomia no quadro da república espanhola, e o desenho, junto com
o memorial da projecçom passada, do projecto histórico deste sujeito,
a naçom galega. Nas suas páginas, tem umha notável presença Europa,
que aparece, dito muito sinteticamente, como cenário político, em que
tamém se joga a sorte de Galiza, e como ocasiom para um projecto, que
o é tamém do nacionalismo galego, a saber: a Uniom Europea.
Com efeito, segundo salienta Castelao, Galiza tivo, tem e terá um
lugar na Europa. Naquela altura, o espaço europeu estava conformado,
exclusivamente, polos estados soberanos, nom indo muito além
da realidade geográfica. Nesse concerto ou, melhor dito, desconcerto,
Galiza é, para Castelao, semelhante a Bretanha e Escócia 43 , que som
entidades nacionais similarmente marginalizadas nos seus respectivos
contextos estatais, França e Gram Bretanha. O nosso político, nas
suas análises, pom a énfase, antes que nas similitudes destes povos e
regions «celtas», na similar marginalizaçom estrutural que, como «naçons
sem estado» no seo dum «estado-naçom», as tres padecem e que
lhes empece o seu desenvolvimento económico e florecimento cultural.
No caso de Galiza, Castelao analisa e demostra, polo miúdo e in
extenso, como a privaçom de capacidade política própria e a acçom da
política estatal geral, incidindo – por activa esta e por passiva aquela –
——————————
41 Citarei por: Castelao, Sempre en Galiza, Akal, Madrid, 1980, 3.ª ed. Este texto,
que reproduz a ediçom bonaerense de 1961, é reproduzido facsimilarmente em:
Castelao, Sempre en Galiza, Parlamento de Galicia & Universidade de Santiago de
Compostela, Santiago, 1992, 2000.
42 Sobre isto (quer dizer: Castelao, o nacionalismo e a autodeterminaçom), temonos
debruçado no nosso texto ja citado, «Galeguismo/Nacionalismo: da autoconsciéncia
à autodeterminación». Ademais, lembramos: L. G. Soto, «Galicia, nación. Prospecciones
analíticas y reflexiones metodológicas a tenor de Sempre en Galiza de A. D. Rdz.
Castelao», in M. Segura Ortega & J. Rodríguez-Toubes Muñiz (eds.), Regiones, naciones
y nacionalismos en el contexto final del siglo XX, Universidade de Santiago de Compostela,
Santiago, 1994, pp. 97-108.
43 Além de outras, som significativas as referéncias conjuntas a ambos países:
Sempre en Galiza, p. 322, p. 330, p. 446. Tampouco falta, como é tradicional – umha
constante – no nacionalismo galego, a referéncia a Irlanda, mas esta, nessa altura,
tinha ja um outro estatuto no quadro europeu, tendo atingido a condiçom de estado
soberano.