Revista (PDF) - Universidade do Minho

120
DIACRÍTICA
mas, para operar essa mudança, Galiza necessariamente tem que,
como requisito e como consecuéncia, conseguir a trasformaçom de
Espanha. A sua relaçom com esta é – cabe dizer – de subordinaçom:
eis o ponto de partida. Qual será, entom, o ponto de chegada?: podemos
defini-lo como a coordenaçom.
A subordinaçom é o estatuto, e o estado, plurissecular, desde o
final da Idade Média até a chegada da II República, de Galiza em Espanha.
Sinteticamente, podemos afirmar que Galiza, a naçom galega,
simplemente subsiste por efeito sucessivo e às vezes combinado da
acçom violenta e a repressom estrutural. Primeiro, cumpre assinalar,
convém nom esquecé-lo e Castelao insiste muito em lembrá-lo, que
Galiza foi incorporada pola força à coroa de Castela com os Reis Católicos.
E essa violéncia originária persiste, continuou sob formas institucionais
na política com Galiza da monarquia espanhola e seguiu
sempre, ainda, como ameaça latente. Mas, subseguintemente e fundamentalmente,
Espanha exerceu umha repressom estrutural, pois a sua
organizaçom jurídico-política estatal excluiu, practicamente, a existéncia
política de Galiza 55 . Ou seja: nom só no ámbito institucional,
senom mesmo na sua esfera social, o estado espanhol impede, como
natural consecuéncia do seu desenvolvimento, a formaçom dumha
consciéncia e vontade próprias de Galiza, quer dizer, dos galegos sobre
eles mesmos. O resultado é que a naçom galega simplemente sub-siste,
leva, da economia à cultura, umha existéncia precária, em que, incapacitada
para geri-los, ve estragados, mesmo dilapidados, os seus
recursos naturais e humanos.
A busca de saída a essa situaçom de subsisténcia interna (de
Galiza) e subordinaçom externa (a Espanha), sendo esta causa de
aquela, é o que motivou a apariçom, e norteou despois o desenrolo, de
movimentos culturais e logo políticos galeguistas no século XIX, que
procurarom a criaçom de forças, organizaçons e instituiçons próprias.
Fitos destacados, em que participou Castelao, serám, ja no século XX,
a consolidaçom dum partido, o chamado «Galeguista» 56 , e a consecuçom
da autonomia, com o estatuto de 1936 57 . Ora, estes fitos som
——————————
55 Os processos de submetimento militar e anulaçom política som revistos, Sempre
en Galiza, nas pp. 367-402.
56 Foi fundado, em Pontevedra, o 6 de decembro de 1931.
57 A sua transcendéncia virá a ser grande: por este precedente jurídico-político, o
estatuto de 1936, Galiza terá, como Catalunya e Euskadi, a consideraçom de «nacionalidade
histórica», entre as comunidades autónomas, na Constituiçom Espanhola de
1978, actualmente vigente.