Revista (PDF) - Universidade do Minho

NÓS E A EUROPA 113
to-galeguista» e convizinho do seu paço 23 . Logo volve a Madrid e,
retomando parcialmente e vagamente o projecto liceísta, parte para
umha viage por Europa durante o verám, com estadas em França e
Alemanha, da que regressa, interrompendo-a, para instalar-se na aldea
em setembro. Ali, convertido num proprietário camponés passa o
outono e inicia o inverno, mentres se vai achegando à cultura e a realidade
galegas até, um ano despois, integrar-se no galeguismo, segundo
é apontado ao final do romance 24 , datado em janeiro de 1930.
Na personalidade e a experiéncia do nosso personage, joga um
papel muito destacado a cultura, sendo esta eminentemente a literatura
e a filosofia. A formaçom e a bagage cultural de Adrián seria
fundamentalmente francesa, se nom fosse pola sua vocaçom filosófica,
que lhe reporta umha importante impregnaçom alemá 25 . Ora, para
Adrián a sua cultura, o seu brouillon de culture, é, mais do que um
invólucro, o seu meio vital: serve-lhe, de jeito espontáneo e até mecánico,
de «espelho», lenço imprescindível para o reconhecimento de
si, e de «janela», moldura ineludível para o conhecimento do outro 26 .
O resultado desse permanente confronto de si com a cultura e de esta
com o ambiente, antes a aldea e agora Madrid, é um recorrente
malestar: mais exactamente, e em palavras que lhe poderiam ser caras,
o que Adrián conhece é o axexo desconfortante dum Unbehagen, dum
andar mal à l’aise, que ameaçam com tornar-se crónicos.
Por outras palavras, Adrián tem problemas de identidade persoal
e inserçom social. Som fundamentalmente dous os seus dramas: um
——————————
23 É propriamente tio do seu defunto pai. Este padre, nos longes tempos do início
do seu sacerdócio, iniciara umha frustrada – por ele próprio abandonada – movimentaçom
galeguista e, de velho, chega a considerar a possibilidade de legar os seus papeis
a Adrián (Arredor de si, pp. 42-44). Finalmente, à hora da morte, só lhe mostra, pedindolhe
e fazendo que ele lha mostre no mapa de Fontán, Galiza (Arredor de si, pp. 91-92).
24 Que, precisamente, remata com um lema, identificador do nacionalismo galego,
promovido polo Partido Galeguista: ¡¡TERRA A NOSA!! (Arredor de si, p. 153). Este
lema, que compreensivelmente – por motivos políticos – pudo ter sido elidido na
2.ª ediçom (Galaxia, Vigo, 1970), falta incompreensivelmente, até hoje, em todas as
outras (sendo algumhas ediçons comentadas e anotadas).
25 As suas reférencias filosóficas som: Espinosa, Platom, Descartes, Hegel, Schopenhauer,
Bergson, Nietzsche (Arredor de si, p. 77). E, por suposto, Kant, que é o autor
mais presente, como objecto de atracçom e de repulsa, no texto.
26 Por exemplo, esta associaçom, perante umha ementa, com a filosofia de Espinosa:
«lêndo a lista de pratos e viños n’a qu’hai sempre un escolio preciso, está seguro
de rexurdir» (Arredor de si, p. 16). Ou, à vista dumha fonte no seu paço: «Fora obra d’un
antergo da casa e levaba a data: 1792. No ano do Terror o fidalgo ribeirán ocupábase
en canalizare as finas augas da encosta» (Arredor de si, p. 87).