Revista (PDF) - Universidade do Minho

114
DIACRÍTICA
mais íntimo, que tem que ver com a sua relaçom vital com a filosofia
e, secundariamente, com a sua saída profissional 27 ; outro nom menos
íntimo mas mais público, que tem que ver com a sua relaçom com o
ambiente social e, primordialmente, com o seu estatuto como cidadám
(quer dizer, como membro pleno e partícipe activo dumha nacionalidade).
Deixaremos aquela questom íntima, o difícil encaixe entre
viver, sentir e pensar, ao amparo ou ao fio de algumha filosofia, para
centrarmo-nos neste assunto público.
Este último, relativo à sua identidade colectiva, poderia plantearse
dizendo que Adrián «quer chegar a ser espanhol» 28 . Este singelo
enunciado, por umha parte, indica-nos implicitamente que Adrián «nom
é espanhol», o que tamém fica implícito longo tempo no romance, e,
por outra parte, leva-nos a perguntar-nos explicitamente o que seria,
para Adrián, «ser espanhol». E respondendo esta questom, poderemos
outrossi entender porque é que ele nom é (ou, melhor, ainda nom é)
espanhol.
Pois bem, Adrián partilha, e assume, a concepçom, ateada e espalhada
pola chamada geraçom de 98, segundo a qual Espanha, in
essentia, é Castela e o espanhol, por antonomásia, é o castelám 29 .
Neste esquema, Madrid vem sendo a realizaçom, a materializaçom e a
culminaçom, práctica desse espírito castelám, do qual, por outra parte,
Burgos e Toledo, correspondendo às faces prístina (Castela a Vella) e
sincrética (Castela a Nova), seriam as origes e raízes quase esquecidas
mas revitalizadoras: porque haveria, nelas, a energia salvífica, o
antídoto salutífero, que cumpriria aplicar à progressiva decadéncia
do estado espanhol e à actual impoténcia da metrópole madrilena.
É, mais ou menos, por isso que o nosso protagonista, que procura
a esséncia de Espanha e, indo além, a de Castela (ou seja, a esséncia
da esséncia) e dela espera a sua regeneraçom como espanhol (ou seja,
——————————
27 «¿Porqué quería ser Profesor de Filosofía? E d’ista pregunta foron xurdindo
outras e outras hastra que esquencido do cuestionario sentiuse collido n’outro mais
esteso e vidal coma que n’il estaban pedindo resposta todol’os temas informadores do
seu vivir» (Arredor de si, p. 75).
28 Caracteristicamente, emprega, mais dumha vez, o lexema orteguiano «vertebrar-se».
Numha das suas próprias formulaçons: «tiña que conquerir heroicamente a sua
persoalidade, alí, no cerne de España. Unha obra de Reconquista. Sin axuda do Apóstol
Sant-Iago. Pois o que se trataba era de vertebrar con hoso e miolo español a mol materia
galega» (Arredor de si, p. 81).
29 Entre outras figuras, representativas dessa idea de Espanha, saem mesmo nas
páginas do romance: Ortega, Baroja, Azorín, Unamuno… etc.