Revista (PDF) - Universidade do Minho

NÓS E A EUROPA 121
os passos e os efeitos dum processo de autodeterminaçom, entendida
como capacidade para dirigir o próprio destino, progressivamente
exercida polos indivíduos, vinculados electivamente, agindo colectivamente
58 . Castelao sublinha, nas páginas de Sempre en Galiza, o carácter
necessariamente «nom violento» desta acçom política 59 , com que
os galegos devem tirar Galiza da sua subsisténcia e levá-la até a existéncia
plena… e igual com as outras naçons que integram Espanha.
Eis porque falamos de co-existéncia e co-ordenaçom.
Substancialmente, dous som os efeitos que, para Castelao, ham
seguir-se da autodeterminaçom de Galiza: um, interno, sobre a própria
naçom galega; outro, externo, sobre o estado espanhol. O primeiro, a
escala galega, é a autonomia, que ao facultar o governo e melhor
aproveitamento dos recursos próprios, naturais e humanos, terá que
possibilitar o desenvolvimento económico e o renacimento cultural de
Galiza 60 . O segundo, a escala espanhola, é a co-soberania, a divisom
da soberania hegemonizada por Castela para ser partilhada, ademais,
por Catalunya e Euskadi, além de Galiza, que deverá conduzir à
Federaçom Espanhola 61 . Ora, neste ponto, Castelao entende que o
processo nom deve limitar-se à formaçom de Hispánia (a Federaçom
Espanhola), senom que esta pode, e deve, propiciar a formaçom de
Ibéria, i.e., a Confederaçom com Portugal 62 . Nisto, segundo ele insiste,
Galiza poderia, e deveria, jogar um importante papel 63 .
——————————
58 Ou seja, self government (Sempre en Galiza, p. 257, p. 308).
59 Practicamente desde os seus inícios, o movimento galeguista seguiu caminhos
divergentes das acçons violentas, como os «pronunciamentos militares», segundo lembra
Castelao (Sempre en Galiza, p. 68, p. 466). Polo demais, o Partido Galeguista tinha
entre os seus princípios fundamentais o «pacifismo».
60 Por exemplo, Sempre en Galiza, pp. 411-417.
61 Assi: «Nós oferecemos a nosa mellor vontade para crear, cos demáis povos da
Penínsua, un novo Estado hespañol, auténticamente democrático e afincado nas realidades
nacionaes» (Sempre en Galiza, p. 296).
62 A Uniom Ibérica foi, historicamente, impedida polo centralismo castelám
(Sempre en Galiza, pp. 307-309, pp. 337-339). Por outra parte, a respeito de Galiza e os
galeguistas, Castelao afirma: «Somos ardidos defensores da unión ou alianza ibérica,
porque no fondo insobornable da nosa alma bule o anceio de achegarnos a Portugal e
de confundirnos con él; pero primeiro arelamos dar remate feliz â nosa obra hespañola»
(Sempre en Galiza, p. 334).
63 Seria missom galega «atraguer Portugal â comunidade da gran familia hispánica»
(Sempre en Galiza, p. 90). Além disso, Galiza seria, com Euskadi e Catalunya,
«garantia» de sobrevivéncia e até engrandecimento futuros para Portugal na Confederaçom
Ibérica (Sempre en Galiza, p. 361).